AD30, 2E 2E 9/49 Me Guillaume VIALA notaire d'Alzon (30)

Le 31 janvier 1633 Contrat d'affrèrement entre

Jean et Marcellin MONTAGNOL frères, de Tailhevent Lunas (34)

L'an mil six cens trente trois et le dernier jour du mois de janvier apres midy regnant tres chrestien prince Louys roy de France et de Navarre   pardevant moy notre royal et tesmoings bas nommés

Ont esté pñs en personne les freres Jean et Marcelin MONTAGNOLS freres du lieu de Talhaven terre et juridiction de Lunas dioceze de Beziers   fils et heretiers par esgalles parts et portions de feu autre Jean MONTAGNOL leur pere commung   lesquels scaichantlad vollanté de leurd feu pere avoir esté quils vesquissent (vécussent, vivent) en commung ne faisant quune maison feu pot et vin   et que leurs biens feussent et demeurassent entre eulx esgalement acquis en quelle part que lesd biens feussent scitués   conformement a laquelle vollanté de leurd feu pere   lesd MONTAGNOLS freres auroient vescu jusques a lheure pñte en commung ce quils desirent de continuer moyennant lassistance du sainct spirit

Et a ces fins lesd MONTAGNOLS freres de gred et franche vollanté se declarent par vertu du pñt contract lung a lautre respectivement   que tous et chacuns lesd biens quils possedent ayant appartenu a leurd feu pere tant meubles que immeubles où que soyent et que puissent estre scitués   soyent et demeurent esgaulx et commungs entre eulx   comme aussi que toutes acquisiõns proffits et pertes quils pourront aussi avoir fait jusques aujourdhuy soient et demeurent commungs   de mesme que pour ladvenir et durand que dieu leur donnera le moyen de demeurer en communaulté   toutes acquisiõns proffits pertes repparaõns et melioraõns quils pourront faire en leurs biens soyent et demeurent commungs   et que aultant en aura lung que lautre   et qua ces fins ils supporteront en travalhant chacun de son pouvoir en leur communaulté tous charges herediteres de leur maison

Et pour ce fier et tesmoigner la bien vielhance quils ont lung envers lautre   disent voulloir et ordonner par vertu des pñtes quen cas ung deulx viendra a deceder ab intestat et sans hoirs et successeurs procréés de leurs mariages   ce jour mesmes contractés avec Demoiselles Marguerite et Catherine DUCLAUS filhes legitimes de Noble Jean DUCLAUS Sieur del Cailaret et Damoiselle Marie de CAUVISSON mariés du lieu d Alzon   quiceulx biens par eulx possedés et quils pourront acquerir a ladvenir   soit droicts paternels maternels sororins que autres   soient et demeurent acquis au survivant deulx   et tels biens tant seullement que le premourant possedera le jour de son deces   se reservant respectivement lesd freres de pouvoir disposer jusques au jour dud deces de ses biens chac comme bon luy semblera

Et põr observaõn de tout ce dessus lesd freres lung envers lautre ont obligé et yppothequé leurs biens a toutes cours du pñt royaulme   et ainsin lont promis et juré avec due renonciaõn

Faict et recité au lieu d Alzon maison du susd Sieur del Cailaret   pñs Noble Jacques de NARBONNE Seigneur de Lunas   Noble Pierre de SAINT JULIEN Sieur de La Deveze (?) du lieu des Ribes   Noble Jean de LAVALETTE Sieur d'Estelle du lieu de Belveze (diocese de Vabres)   Noble Pierre de GRALHE Sieur d Oms hañt du chateau de l Alamanderie  Me Anthoine BOISSIERE substitut du procureur du roy dud Alzon signés avec lesd MONTAGNOLS freres   et moy Guilhaume VIALA nõre royal hañt dud Alzon requis soubzné

MONTANIOL,   J MONTANIOL,   Sr de LUNAS,   Sr del CAILARET,   Sr d' ESTELLE,   BOISSIERE,   P GRALHE,   VIALA, nõre requis