AD42 5E 1733, M° Claude RAVACHOL, St Chamond (42)
Requête le 26 juillet 1640 de
François GOULLIOUD charpentier de Sorbiers 3416 G 12
L'an mil six cent quarante et le vingt sixiesme
jour du moys de juillet a Sainct Chamond pardevant
nous Claude RAVACHOL nõre royal et chastellain
de la ville et marquizat dud St Chamond en mon
hostel est comparu François GOULLIOUD habitant
a L'Ozonnery de la paroisse de Sourbiers lequel
nous a dict et ramonstré que depuis environ douze
ans Florys GOULLIOUD son pere decedé
delaissoict huict enfans scavoir led François,
Rambert, Anthoine, Jean, Blaise, Françoise, Marguerite
et Catherine GOULLIOUD
Et dauctant que lad
Françoise estoit aagé aud deceds denviron douze
ou treze ans estant imbecille et attaincte de
certaine malladie qui lempeschoit de gagner
sa vie et faire aucun travail manuel, led François
son frere pour laffection quil luy avoit nai deu (...)
de la nourrir et allimenter et entretenir comme
il a toujours faict et continue encore
Mais
cregnant que venant a deceder lad nourriture
et entretient ne luy soit disputée par ses autres
freres et seurs qui prethendroient a luy succeder
ab intestat quoy que ses droits de legitime paternels
et maternels soient absorbés quatre foys
davantage au nom dicelle nourriture, attendu
que la pluspart des parens de lad fille sont
habitans de la pñte ville et lesquels
avec certains voysins il a faict comparoir
pardevant nous il requiert attendu (...) bien voulloir ouyr
et recevoir leur attestation sur le faict de lad
nourriture imbecillité desprit et indisposition
du corps de lad Françoise pour luy servir et valloir
a ladvenir en temps et lieu ce que de raison
Amenant
a la requisiõn sans attendre la presence desd parens
et voysins cy apres nommés apres avoir pris
et reçu leur serment au cas requis ayant confié
(...) sur lexpositure (exposé ?) dud François GOULLIOUD
nous ont dict et rapporté comme (...)
particullieres est cy bas contenu et (...)
Et premierement honneste homme Rambert CHOREL
marchant tixotier du pñt lieu de St Chamond aagé de
trente ung an le serment presté
A dict estre cousin germain des enfans delaissés par feu
Florys GOULLIOUD et Benoiste CHAMBEYRON sa femme
et ce du costé maternel *, est bien memoratif que
led Florys deceda il y a environ douze ou treze
ans delaissant huict enfans entre lesquels
estoit lad Françoise grandement infirme et
atteinte de certaine malladie qui luy empesche
de faire aucun travail manuel ains (mais) seullement
de sortir quelques foys avec le bestail aux
environs de la maison dhabitaõn, où lon ne la
pourra (...) laisser seulle parce
quelle tombe souvent par terre (...)
a cause dud mal, lequel est toutjours
allé croissant de sorte que maintenant icelle
Françoise en est grandement travaillée estant
mesme devenue imbecille et hors de (...)
de pouvoir rendre aucun service audict
François son frere que led CHOREL certiffie et
atteste avoir bien nourry et entretenu depuis
le deceds de leurd pere, comme il continue
encore de pñt sans en retirer aucune
assistance laquelle nourriture et entretien
led CHOREL declare quil ne voudroit entreprendre
sinon par charité et affection de parenté quand (même si)
lad fille auroit quatre foys et bien d'avantage
quelle nen a et a signé
Rambert CHOREL
Blaise CHAMBEYRON aussi tixotier du pñt lieu
de St Chamond aagé de trente six ans ou environ
serment faict de nouveau
A dict estre oncle maternel des enfans dellaissés
par feu Florys GOULLIOUD et Benoiste CHAMBEYRON**
et que Florys GOULLIOUD est decedé depuis environ
douze ou treze ans despuis lequel temps
François GOULLIOUD son fils et heritier a toutjours
nourry et entretenu comme il faict encore
Françoise GOULLIOUD sa seur grandement
infirme et attaincte de certaine malladie
qui luy a osté le jugement et les moyens de
rendre aucun service considérable a sond frere
certifiant
et attestant que quand lad Françoise auroit quatre
foys plus de legitime paternelle et maternelle
quelle nen a pas il ne voudroit entreprendre
de lentretenir deux ans, de sorte que
despuis le deceds de sond pere sesd droicts ont
esté absorbés plusieurs foys au moien de la
despance que led François GOULLIOUD a de la
necessité de faire pour lentretien de sad
seur et a signé
Blaize CHANBERON
Claude POISS.. aussi tixotier dud St Chamond
aagé de trente deux ans ou environ serment faict
A dict estre oncle par alliance du costé maternel
des enfans de feu Florys GOULLIOUD de l'Ozonnery
paroisse de Sourbiers et bien scavoir que Françoise
GOULLIOUD lune de ses filles a esté pour (de)
longues années grandement incomodée de sa
personne au moien de certaine malladie
dont il a pleu a Dieu laffliger qui luy a osté
la plus part du temps le jugement et le moien
de rendre aucun service ny assistance a François
GOULLIOUD son frere lequel il scait bien quil la
nourry et entretenu dhabits despuis le deceds
de leurd pere comme il faict encore a pñt
sans que lad fille puisse aucunement
gagner sa vie et a dict ne scavoir signer, enquis.
Jehan THOMAS laboureur de l'Ozonnery paroisse de Sourbiers
aagé de cinquante deux ans ou environ serment faict
A dict estre allié de feu Florys GOULLIOUD et de vivante
Benoiste CHAMBEYRON sa femme mais ne scavoir
dire en quel degré et de plus quil est proche voisin
de la maiõn dhabitaõn dud feu GOULLIOUD qui deceda
il y a environ douze ou treze ans delaissant plusieurs
enfans et entre autres une fille nommée Françoise
grandement infirme et atteinte de certaine malladie
qui est toutjours allé en augmentant depuis la mort
de sond pere et qui la empesché de pouvoir rendre
aucun service a la maiõn dans laquelle François
GOULLIOUD son frere la nourry et entretenu comme
il faict encore avec grand soing estant necessaire
a pñt de luy bailler quelque presence pour lempescher
de se gaster parce quelle tombe tres souvent par
terre a cause de lad malladie dont elle est atteinte
et a dict ne se signer, enquis.
Mathieu JOASSARD *** laboureur de la Carroney paroisse de Sourbiers
aagé de trente huict ans, serment faict
A dict estre cousin germain du costé maternel des
enfans de feu Florys GOULLIOUD et bien congnoistre
Françoise fille dud defunct grandement infirme a cause
de certain mal dont elle est affligée, scait que François
GOULLIOUD son frere la nourry et entretenu depuis le
deceds de leur pere comme il faict encore sans en
pouvoir retirer nulle sorte de service parce que on
nose seullement laisser seulle lad fille qui est
comme imbecille et sans jugement la plupart du temps
et a declaré ne signer, enquis.
Jehan CALLONNIER tailleur dhabits de l'Ozonnery paroisse
de Sourbiers aagé de quarante sept ans ou environ
serment faict
A dict estre proche voysin de la maison de feu Florys
GOULLIOUD qui deceda depuys environ treze ans
delaissant sa femme et plusieurs enfans entre
lesquels estre une fille nommée Françoise laquelle
estre fort indisposée de sa personne et au moien
de certaine malladie qui est toutjours allé
en augmentant et qui la rendu a pñt comme
imbecille sans avoir peu (pu) rendre aucun service
considerable a la maison où François GOULLIOUD son
frere la nourry et entretenu depuis led deceds
comme il continue avec grand soing et
a dict ne scavoir signer, enquis.
Jehan BOTEYRIEU tixotier demeurant a L'Ozonnery paroisse de
Sourbiers aagé de cinquante ung ans, serment faict
A dict quil nest que voysin de feu Florys GOULLIOUD
et quil cognoist bien les enfans par luy delaissés
notamment Françoise GOULLIOUD sa fille a pñt aagée de
vingt cinq ou vingt six ans laquelle sond pere
delaissa a son deceds grandement infirme et attaincte
de certaine malladie qui est toutjours allé en
augmentant et que luy a empesché de pouvoir
gagner sa vie ny rendre auncun service a François
GOULLIOUD son frere qui la nourry et entretenu
comme il faict encore fort honnestement et avec
grand soing et a dict ne scavoir signer, enquis.
Anthoine DE VILLE tixotier de l'Ozonery paroisse de Sourbiers
aagé de vingt huict ans ou environ, serment faict
A dict et deposé avoir esté nourry et eslevé au
voysinage de feu Florys GOULLIOUD pendant
la vie duquel il alloit quelque foys garder
du bestail avec Françoise GOULLIOUD fille dud Florys
mais apres le deceds dicelluy Florys lad fille
estant attaincte de certaine malladie augmenta
si fort quelle la rendit comme imbecille et sans
moien de rendre aucun service parce quelle tombe
(...) de sa hauteur par terre François
GOULLIOUD son frere layant nourry et entretenu
despuis led deceds comme il faict encore sans
en retirer aucun service et a dict ne scavoir
signer, enquis.
Dont et le tout ce que dessus acte a esté octroyé aud François GOULLIOUD pour luy servir en temps et lieu que de raison.
RAVACHOL Notaire royal et chatellain
Note: * Rambert CHOREL est fils d'Antoine CHOREL et Marguerite GOULLIOUD (CM M° RAVACHOL 5E1730, le 13/7/1631) avec