AD 34, 2E 39/518 M° Guillaume BRUN Notaire de Lodčve

Le 13 mai 1659 quittance finale de dot pour

Bernard PANDIT Baille de St Martin des Combes 5548 G 13

par Anthoine CAVALIER 1396 G 11 son gendre

Quittance finalle de dot pour Mr Bernard PANDIT baille de St Martin des Combes contre Anthoine CAVALIE son beau fils du lieu de Bosc

Lan mil six cens cinquante neuf et le troiziesme jour du moys de may appres midy regnant le prince que dessus dans Lodeve pardevant moy nőre royal soubzné pńs les tesmoings soubz escripts   a esté personnemant estably Anthoine CAVALIE laboureur habitant du mazaige de Bosc jurisdiőn de Lavalette au presant dioceze   lequel comme seignieur et maistre des biens dottaux de Marie PANDIDE sa femme   de gred a dict et confessé avoir heu et receu sy devant de Mr Bernard PANDIT baille du lieu de St Martin des Combes aud dioceze pere de lad PANDIDE icy presant et acceptant   la somme de cent livres ts et cest pour entier et parfaict payemant du dot constitué a lad PANDIDE au contract de son mariaige avec led CAVALIE receu par moy nőre les an et jour y contenus [Renvoi: ayant receu duement (?) pareilhe somme de cent livres ts]   de laquelle dicte somme de cent livres led CAVALIER en estant comptant et satisfaict pour entier payemant dud dot   en a quitté led PANDIT son beaupere et promis en tenir quitte envers sad femme et autres quil appartiendra   et icelle il a recognue comme prezantemant recognoist a sad femme absante   sond pere presant et acceptant pour elle   sur tous et chacuns ses biens presans et advenir pour la rendre et restituer le cas advenant comme est porté par led contract de mariaige.

Et a leffect de lobservaőn de ce dessus led CAVALIE a obligés et ippothecqués ses biens soubzmis aux rigueurs des cours et scels royaux   grand (scel) de Carcassonne, Beziers, Gignac et (scels) ordinaires des partyes et ainsy la promis et juré.   Faict et recitté dans la maiőn de moy nőre presans a ce Jaques BRUN praticien et Crespin DELIEUZE du lieu de Somont soubznés avec led CAVALIE   led PANDIT ne scachant escripre   et moy Guillaume BRUN nőre royal de lad ville soubzné.

Anthoine CAVALIE,   DELIEUZE,   BRUN,   BRUN nőre