AD34 2E 40/121 M° Michel MARTIN Lodève, le 19 février 1679 testament de
Guillaume DARDE (Dardé) 1510 G11 d'Olmet (34)
l'an mil six cens septante neuf et le dixneufviesme jour du mois de febvrier dans le lieu d'Olmet avant midy reignant tres chren (chretien) prince louis par la grace de dieu roy de france et de navarre pardevant moy nõre royal soubzné et presans les tesmoings bas nommés a esté parsonnellemant constitué Guillaume DARDE dud Olmet lequel se voyant attaqué de maladie corporelle de laquelle doubte mourir, touttes fois en ses bons sens memoire entendemant et parfaictes cognoissance de son gred a voulu faire et ordonner son dernier testemant et dispozer de ses biens en la forme et maniere que sensuit
en premier lieu a faict le signe de la croix sur sa personne disant in nomine patris et filii spiritus sanctii amen, et apres avoir recommandé son ame a dieu et a la glorieuse vierge marie a voulu et ordonné quapres son deces son corps soit ensevely au cemestiaire de lesglize parroisselle dud Olmet laissant ses honneurs funebres a la discreption de son herittier bas nommé
en second lieu venant a la disposition de ses biens a donné et legué a Pierre, Guilhaume DARDE et Jeanne DARDELLE freres et soeur ses enfans la somme de soixante livres chescuns payable lorsquils viendront a se marier ou quils auroint atteint laage de vingt cinq ans et moyenant ce veust que soient nourris et entretenus dans sad maõn en travaillant de ce quy sera de leur posible et veust que soint contans et autre choze puissent demander sur ses biens en troisiesme lieu a donné et legué a tous ses autres parens en quel degred que puissent estre la somme de cinq sols entre eux a diviser et moyenant ce leur impoze scilance perpetuelle
et en tous et chescungs ses autres biens presans et advenir en quoique puissent consister led testateur a faict et institué son herittiere universelle et generalle et de sa propre bouche la nommée scavoir est Jeanne GAUIOUSSE sa bien aymée femme pour en faire et dispozer a ladvenir a ses plaisirs et volontés tant en la vie quen la mort pour apres randre led herittage a un desd trois enfans que bon luy samblera
et cest son dernier testemant que veust que vaille comme testemant codicille et donnation a cauze de mort peust valloir cassant et revoquant tous autres le presant demeurant en sa force et valleur duquel a prié les tesmoings bas nommés en estre memoratifs et moyd nõre luy en retenir acte concedé
faict et recitté a la maison dud testateur presans M° Pierre BESSODES hañt dud Olmet, M° André FORMIT et Rolland SALZE marchants hañts dud Lodeve soubznés M° Bernard REVEILLOU, André GRAILLE et Anthoine OLLIER cardeurs de laisnes et Fulcrand CAUVY dud Olmet illitrés nayant peu donner dautres tesmoings soubznés led testateur illittré et moy Michel MARTIN nõre royal soubzné
BESSODES, FORMIT, R SALZE, MARTIN nõre royal