AD30 2E 9/57, M° Guillaume VIALA notaire d'Alzon
Transaction le 29 mars 1645 à Alzon entre
Damoiselle Béatrice de LAVALETTE femme de Guillaume GOUTES 3017 et 3016 G12
et Pierre JOURDAN Guillaume et Pierre TREILHE et autres d'Alzon
La très mauvaise qualité de l'acte (taches, coin rongé) et surtout de la photo prise puis numérisée et enfin photocopiée pour le lecteur, ne permettent pas vraiment une transcription certaine. On s'inspirera du travail réalisé par M. CHASSIN du GUERNY, ancien conservateur des Archives du Gard qui a résumé l'ensemble des actes notariés, Alzon entre autres.
Comme ainsin soict que proces eust esté intanté
par voye criminelle pardevant Messieurs les Officiers
ordinaires d' Demoiselle Beatrix
de LAVALETTE femme de Mre Guilhaume GOUTES nõre
du lieu d'Alzon demanderesse d'une part Et entre les Sieurs Charles, Louys et Pierre GOUTES (1)
frères, nobles Pierre, Anthoine et Jean François de
GRALHE pere et enfans, Sieurs d'Omps Siguaret et
de Puech Martin demandeurs d'une part Et entre
lesd JOURDAN, TRELHES et BARRALS demandeurs d'une
part Entre Sire Anthoine NOGAREDE
demandeur aussi entre lesd POUJOL et BARRALS,
Guilhaume et Pierre TRELHES deffendeurs
et autres demandeurs Entre lesd Pierre JOURDAN et Françoise BOISSIERE
sa femme demandeurs Entre led
Guilhaume TRELHE et Anthoinette (illisible, voir plus bas) JOURDANE, Pierre
Yzabeaux et Anthoinette TRELHES (illisible, voir plus bas) ses enfans,
lesd Sieurs De LAVALETTE, Prieur, Sieur de
Roquemoscoziere de Siguaret et de Puech Marty et
GOUTES freres deffandeurs d'autre Laquelle
Beatrix de LAVALETTE de son chef auroit rellevé
en la Cour de monsieur le Senechal de Nismes sur ce que
des differans entre lesd parties arrivés ils auroient
fait respectivement informé dauthorité desd
Sieurs officiers et obteneu divers decrectz pour la
poursuicte desquelz et differans lesd parties
salloient engager en grand proces et se mettaient
en estat de fere de grandes despenses ce que
leurs (...) commungs leur auroient faict
(...) et le peu desperances quelles debvoient
avoir de se satisfere dans les (...) dud
proces attandu la legereté des faictz neanmoings
(...) icelles parties ont
volleu le (...) par la voye amiable A
ceste cauze ce jourdhuy vingtneufviesme jour
du moys de mars mil six cens quarante cinq
apres midy regnant tres chrestien et souverain
Prince Louys par la grace de Dieu Roy de France
et de Navarre aud lieu d'Alzon dioceze de Nismes
pardevant moy nõre royal et tesmoings bas
nommés A esté pacté lad damoiselle Beatrix
De LAVALETTE assistée et reallement authorizée a fere les
soubz escriptes par led Mre Guilhaume GOUTES
son mary lesd Sieurs Charles, Louys et Pierre
GOUTES freres [Renvoi: reallement authorisez de leurd pere], tant pour eulx que pour Noble Pierre
De LAVALETTE religieux et Prieur de St Jean absent
et auquel promet fere ratiffier a peine de tous
despens domaiges et intherestz lesd Sieurs d'Omps
de Siguaret et Puech Marty tant pour eulx que
pour Noble Anthoine De LAVALETTE Sieur de
Montagut absent et led Sieur de Toutes
lesquelles parties respectivement (chacune comme les)
concerne comme dessus est dict (ont déclaré ?)
vouloir par mutuelle et reciproque (...)
entre eulx intervenant un accord commung
Faict et recité
aud Alzon dans mon (...) en pñce de Noble
Jacques De LAVALETTE Seigneur de Lascours, Noble Anthoine
d'ASSAS Sieur de Chanfort, Noble Charles
d'ALBIGNAC Sieur d'Arre, Noble Jean d'ALBAGNAC
Sieur de La Balme, Mre Pierre BESSIERE Viguier
de la ville de Nant, Mre Anthoine THOMASSI docteur
en droictz et autres soubzsignés, et Moy, Guilhaume VIALA
nõre royal requis (...)
BARRAL, TRELHES, GOUTES GOUTES, GRALHES, BESSIERES, Sieur D'Omps,
et autres signatures peu lisibles
Note: Pierre GOUTES sera Pierre de GOUTTES Sieur de Las faisses qui épousera en 1649 Françoise VERNETTE des Plans. mes Sosa 1508 et 1509 G 11)
Pierre
JOURDAN, Guilhaume et Pierre TRELHES, Antoine et autre
Anthoine BARRALS et Raymond POUJOL deffendeurs d'autre
lesd
JOURDAN TRELHES et BARRALS deffendeurs
lesd GOUTES freres, Sire Anthoine De LAVALETTE
Sieur de Montagut, lesd Sieurs d'Omps, de Siguaret
et Puech Martin d'autre
et led NOGAREDE deffandeur
d'autre
lesd Sieurs GOUTES, Noble
Pierre DE LAVALETTE religieux et Prieur du lieu de
Sainct Jean du Bruelle, Noble Claude de GRALHE
Sieur de Roquemoscoziege (?) et lesd Sieurs de Siguaret
et Puech MartY deffandeurs dautre
Pour ung premier que renonsant aud proces
ses circonstances et deppendances ils vivront en paix
Pour un second que demeurant lesd parties
satisfaictes des (...) dont les ungs pourroient
demander repparaõn contre les autres a raison des
faictz du proces elles ont promis et promettent
de l'assoupir pour nen avoir jamais plus
(...) par le souvenir ne puisse rompre
la (...) dans laquelle ils entendent de vivre
a ladvenir comme par le passé
Pour ung
troisiesme que led JOURDAN demeurera reintegré des
meubles a luy saisis a la requeste de lad Damoiselle
De LAVALETTE en vertu du droict obtenu contre luy
et quil confesse davoir rettiré et de ce il descharge
tant lad Damoiselle De LAVALETTE que sequestres
(...) tous autres quil appartient, nen
pourra fere aulcune demande
Finallement
que les ungs tiendront quitte les autres de toutes
prethentions respectives quils pourroient avoir
a reson des frais par eulx expozés en leurs
poursuictes pour ne sen pouvoir jamais rien
(...) ni daulcungs intheretz (...)
pourroient pareilhement prethendre les ungs
contre les autres a raison dud proces
Et pour tout ce
dessus tenir et observer lesd parties chacune comme
leur concerne et comme icelles ont promis (...)
ont obligé et yppothequé tous et chacuns leurs
biens que ont soubzmis a lad Cour de Monsieur
le Senechal et Cours ordinaires et autres du pñt
royaume et ainsin ont promis et juré
renoncer a tout droict contrere