Archives Municipales de St Etienne MSE 300 F°27.

Le 30 mai 1588, fondation pieuse à l'église de St Héand, Forez par

Les soeurs MARTOREY filles de feu Pierre MARTOREY

et leurs maris tous laboureurs et parsonniers des Enginieux dont

Madeleine MARTOREY veuve de Pierre MARNASSON (14966 et 14967 G14)

femme en secondes noces de Guillaume BONJOUR

feu Pierre MARTHOREY (29 934 G 15) père desd establyes

A tous ceulx qui les pñtes lettres verront   nous Jehan PAPON Conseiller du Roy Juge et Lieutenant gñal (général) au Baillage de Fourestz,   scavoir faisons que par devt le notaire royal soubzné et en pñce des tesmoingtz apres nõmés

Estably en leur personnes Anthoine MEYGRET tant en son propre et privé nom que de Annez MARTHOREY sa femme   põ laquelle se faict fort et icelle promect fere rattiffier a requeste a peyne ix*   Guillaume BONJOURD dict Meillan tant en son propre et privé nom que de Magdellayne MARTHOREY sa femme laquelle il promect aussy faire rattiffier a requeste a peyne de tous despens dõmages et interestz   Antoinette MARTHOREY seur de lad Magdellayne deuement autorisé de Jehan MICHAL son mary   comme appert par lad authorisation receu et signé par Me André BOYRONNET notaire royal de St Galmier en dacte du vingtcinquiesme may mil cinq cens quatre vingtz signé par led BOYRONNET   et Anthoinette BADOIL vefve feu Jehan MARTHOREY vivant laboureur des Enginieux en La Gimond perroisse dud St Heand

Lesquelz tous ensemble et chacun deux seul et põ le tout sans division ne (ni) discussion a quoy ils renoncent   et mesmes lesd femmes au beneffice de dinyadrian (?) velleyen et à l'authentique sy qua mullier a elles donné a entendre   que la femme ne se peult obliger põ le faict daultruy ne (ni) de son mary à moins quelles nayent renoncé esd (auxdits) droictz   et lors quelles ont dict bien entendre et y ont renoncé et renoncent par ces pñtes   comme bien tenans et pocesseur des biens et heritaiges de feu Pierre ENGINIEUX et Magdellayne RELLAVE et Magdellayne ROCHE sa femme   (et sa) fille femme de Pierre ROCHE deuement authorisé par led feu PIERRE ROCHE   et aussy cõme modernes pocesseurs et bien tenans de certein tenemendt de pré et terre   siz en La Gimond village des Enginieux parroisse St Heand territoire des Places ou Rases   jouxte le chemin tendant de St Chaumond a Aveysieu de vent et soir   et jouxte avec chemin tendant de St Heand aux maisons des Enginieux de matin   et jouxte les terres de Claude SABLYER de bize   saufz les autres plus vrais et meilleurs confins
ont de nouveau recogneu et respondu recognoissent et respondent et confessent debvoir et conviennent payer   a messires les curés pbres et deserviteurs de lesglize perochialle de St Heand absens   discret Me Flouris ROCHE pñt et aceptant põ eulx et les leurs aladvenir quelzconques

deux pensions  : lugne de dix solx tz aultrefffois fondée par feu Magdellayne RELLAVE et Magdelleyne ROCHE mere et fille   despuis respondue par feu Pierre ROCHE,   laultre de vingtz deux solz tz aultreffois mize sur lesd fondz par feu Pierre ENGINIEUX   et despuis respondue par feu Pierre MARTHOREY pere desd establyes   montant lesd deux pensions la somme de trente deux solz tz
payables lesd vingtz deux solz tz tous les ans a la St Michel Archange et lesd dix solz tz a la feste de Ste Marie Magdellayne
assavoir led MEIGRET au nom que dessus la somme de dix sept solz neuf deniers et obolle tz   lad Anthoynette BADOIL la somme de dix solz huictz deniers tz   et lad Anthoinette (MARTOREY) authorisée comme dict est   la somme de ung sol neufz deniers obolle tz   et led BONJOURD et au nom que dessus ung solz neufz deniers et obolle tz   faisant en tout lad somme de trente deux solz tz*   laquelle somme lesd estably ont promis et promectent payer esd (auxd) sieurs curé et deserviteurs susd esd termes de la St Michel et (de la Ste Marie) Magdelleyne tous les ans   et icelles responces de nouveau toutes et quantesffois (chaque fois) ils en seront requis   promectant lesd establys et establyes par leurs foys et serement prestés aux Sts Evangilles de Dieu manuellement touchés   et soubz obligaõn et ypothecque de tous et chacuns leurs biens meubles et immeubles pñts et advenir quelzconques   et desd fondz sus confinés avoir tout ce que dessus ageable et ny contrevenir   a peyne de tous despens dommages et interestz   eulx soubzmettant a touttes Cours royalles de Fourestz Lyon officiallité dud Lyon ordinaire de St Heand Fontanez et a touttes autres   par lesquelles et chacune delles ilz veullent estre contrainctz a lobservaõn desd pñtes   dizant la gñalle (générale) renonciation ne valloir sy la specialle ne precedde ou sensuict   en tesmoingtz de quoy nous Bailly susd et nous Jehan COZON garde du scel royal estably aux contractz dud Baillage   avons icelluy (scel) faict mectre et apposer a cesd pñtes que ont esté

faictes et passées aud St Heand maison du notaire soubzné le penultiesme jõ du moys de may lan mil cinq cens quatre vingtz et huict apres midy   pñs a ce Me Pierre SAUNIER praticien et Gaspard FAURE clerc tesmoingtz qui ont signé et led acceptant   et non lesd establys põ ne scavoir de ce faire requis suivant lordonnance, ROCHE, SAUNIER pñt, G FAURE*

Notes   *ix: correspond à etc pour emplacer une formule type: ici: à peyne de tous depens dommages et interestz.   ** Une obole valait 1/2 denier. Le total versé donne 29s 35d et 3 oboles, soit 32 sols et 1 obole   *** Le notaire est M° CHASTAING