AD34 2E 39/514 Maître Guillaume BRUN Lodève

Le 30 MAI 1655 Contrat de Mariage entre

Antoine SOLLIER et Cecille BEDESSE de Soumont (34)

Sosas n° 1516 et 1517 G 11

Lan mil six cens cinquante cinq et le trentiesme jour du moys de may avant midy regnant le prince que dessus (Louis XIV) au lieu de Somont dioceze de Lodeve pard(evan)t moy nõre royal soubsné prñs les tesmoings soubs escripts(,) comme a la louange de Dieu et augmentaõn de lhumain linaige soict esté traité par parolle de futeur et ce solempnizera en face de notre mere Saincte Esglize catholique appostolique et romaine entre les partyes soubs escriptes et a la premiere requiziõn de lune dicelles(,) par et entre Anthoine SOLLIER habitant dud lieu de Somont fils legitime et naturel de feus Fulcrand SOLLIER et Jeanne LAGRIERE ses pere et mere en leur vivant mariés habitans du masage de Sainct Jullien juridiction du Bosc a Loyras aud dioceze dune part(,) et honeste filhe Cecille BEDESSE filhe legitime et naturelle de Jean Jacques BEDES et deffuncte Peyronne JEANNE en son vivant aussy mariés habitans dud Somont dautre part(,) lequel se fait du bon plaisir et consentement desd futeurs mariés et de l advis et conseil dud BEDES pere de Pierre(?) et Bernard BEDES ses honcles icy prñs

et par ce quil est de louable costume observée en tous temps en ce royaulme que mariaige ne se faict sans constituõn de dot quy vient du party des femmes a celluy des hommes pour supporter les charges de mariaige quy sont grandes(,) a ceste cause a esté personne(llemen)t establye lad Cecille BEDESSE laquelle de son bon gred et par teneur de ce contract(,) du consentement de sond pere cest constituée(,) comme ferme et loyalle expouze aud SOLLIER icy prñt stipullant et acceptant tant pour luy que les siens a ladvenir(,) avec tous et chacuns ses biens(,) noms(,) droicts(,) voix et actions(,) meubles immeubles prñs et advenir pour(,) diceulx led SOLLIER(,) en jouir et vivre comme il est permis au mary de vivre des biens dottaulx de la femme(,) le faizant et constituant quand a ce(,) son procureur et maistre

cest aux pactes accordés qu(e led) SOLLIER sera teneu recognoistre a lad BEDESSE sa futeure femme tout ce quil recepvra [renvoi: comme recognoist par teneur cinq chevres (?) quil a dict avoir receus ce jourdhuy] sur tous et chacuns ses biens meubles(,) immeubles prñs et advenir pour le rendre et restituer le cas de restituõn arrivant que Dieu ne vuelhe a elle ou a quy la restituõn appar(tiend)ra que Dieu vuelhe(,) scavoir largent sil y en a dans lan apres le cas arrivé(,) les meubles habits ou linge en lestat que se trouveront [renvoi: et pareilhe quantité de chevres (,) ]

Plus est accordé que lesd futeurs mariés en tesmoignage de laffection et amityé quils se portent se sont donnés et donnent pour augment dottal en cas de predeces la somme de trente livres chacun payable dans lan apres le deces et sur les biens du premorant au survivant(,) lesquels pactes et tout le conteneu au prñt contract (les) partyes ont rattisfié(,) approuvé(,) omologué et confirmé et pour lobservaõn dyceulx chacun comme les concerne ont obligé et yppothequé leurs biens(,) soubmis aux rigueurs des cours et scels royaux(,) Grand de Carca(sson)ne(,) Beziers(,) petit scel de Mont(pelli)er et ordinaire des partyes(,) et ainsy lont promis et juré (,) faict et recitté dans la maiõn dud BEDES(,) prñs a ce Me Simon OLLIER p(rêt)re et vicaire dud lieu et Anthoine THOUGAS (?) habitant dud lieu et moy Guilhaume BRUN notaire royal dud Lodeve soubsné avec led Simon (OLLIER) vicaire(,) partyes et THOUGAS ont dict ne scavoir escripre

S. OLLIER vicaire,   BRUN notaire