AD 34 2E 40 98 M° MARTIN Michel Notaire de Lodève

28/4/1655 Testament d'Anthoine GAUJOUX habitant du lieu d'Olmet

L'an mil six cens cinquante cinq et le vingt huictieme jour du moys d'apvril au lieu d' Olmet pardevant moy nõre royal soubsné et presans les tesmoings bas nommés, regnant tres chreñ prince Louis par la grace de Dieu Roy de France et de Navarre, a esté personnellement constitué Anthoine GAUJOUX habittant dud lieu d'Olmet lequel est (...) son lit malade atteint d une maladie corporelle delaquelle doubte mourir comme scachant que la mort est certaine et lheure d'icelle incertaine estant toutefois en ses bons sens memoire entendemt et parfaicte cognoissance de son gred et certaine sciance (?) de voulloir faire et ordonner son dernier testemt nuncupatif et dernieres volontés nuncupatifves en la forme et maniere que s'ensuit

En premier lieu sest muny du signe de la Ste Croix disant in nomine patris et filii et spiritus s(anct)i amen, a (...) recommandé son ame a Dieu affin quil Luy plaize luy faire pardon de ses pechés et que quand elle sera separée de son corps, la recepvra en son st paradis, (...) veut led testateur sond corps estre ensevelly au simetiere de lesglise parroissiale dud Olmet et tombeau de ses predecesseurs laissant les honneurs funebres a la discretion de sa fame
Et venant a la disposition des biens que Dieu luy a donnés en ce monde, a donné et legué par droict d'institution heredittaire, part et portion a Jeanne GAUJOUSSE sa fille aisnée le somme de trente livres tournois payable lhors quelle se colloquera en mariage, et moyenant ce la faict son herittiere par(.)ere
Item a donné et legué par mesme droict d'instiõn a Marie GAUJOUSSE son autre fille pareille somme de trente livres payable comme dessus et avec ce la faict son herittiere par.ere
Item a donné et legué par mesme droict a tous ses autres parents freres, cousins et cousines et autres prestandant droict en ses biens, a chacun la somme de cinq sols payable pour une seulle fois et moyenant ce veut que soient contens leur imposant silance perpetuelle

Et en tous et chacuns ses autres biens noms voix droicts et actions ou que soient assis et sittués et que luy peuvent appartenir a faict et constitué son herittier universsel et general et de sa propre bouche la nommé scavoir est Guillaume GAUJOUX son fils pour en faire et disposer a ses plaisirs et volontés avec pacte que en cas led Guillaume GAUJOUX hér viendroit a deceder sans enfans legittimes et naturels led testateur substitue a icelluy la susd Jeanne GAUJOUSSE sa premiere fille, a icelle la susdite Marie par ordre de primogeniture

(...) a ordonné et ordonne led testateur que Marie MIGONNE sa bien aimée fame soit mestresse et usufructuresse et vive dans son bien sa vie durand, a la charge tant quelle vivra en vuiduitté (viduité, veuvage), n'entendant quil soit faict aucun inventaire de sesd biens (...), le tout regy et gouverné par lad MIGONNE, laquelle en cas elle se trouvera enseinte, led testateur a donné et legué par mesme droict que dessus au postume soit fille ou enfant pareille somme de trente livres payable comme dessus, moyenant ce veut quil soit content, exhortant sesd fils et filles d'honn(or)er et servir lad MIGONNE sa (= leur) mère de ce qui sera de son possible
Et cest son dernier testemt que veut que vaille comme testemt peut valloir cassant et revoquant tous autres quil peut avoir faict, le presant demeurant en sa force et valleur duquel a prié les tesmoings quil a tres bien cognus estre memoratifs et moy nõre luy en rettenir instrument conceder
Faict et recitté aud lieu d'Olmet et maiõn dud testateur, presans M° Anthoine DELIEUZE prêtre et prébendier de leglise cathedrale de Lodève et curé dud Olmet, Louis BESSODES pra(tici)en, Estienne GAUFFRE, autre Estienne GAUFFRE, Anthoine CAUVY, Jacques CHAPPAT et Estienne CAUVY illitirés et ensamble led testateur, led M° DELIEUZE et BESSODES soubnés avec moy Michel MARTIN nõre royal dud Lodève.

DELIEUZE   BESSODES   MARTIN