actes notariés Actes sur Bas en Basset
AD 42 CHMS 1005, Maître TOURTON, notaire de Bas en Basset, 43
13 Février 1619 Testament d'Anthoine PORTE (sosa 4002)
laboureur de Valprivas, paroisse de Bas
au nom de dieu a tous presents et advenir soict notoire que regnant Louys par la grace de dieu roy de france et de navarre pardevant le notaire royal soubsné et presents les tesmoingts soubsmés sest personnellt estably Anthoine PORTE laboureur du lieu de Valprivas paroisse de Bas ressort du Foretz lequel gissant mallade dans un lict de sa maison illec douttant par infirmité de sa personne (,) considerant la mort estre a chacung certaine et lheure dicelle incertaine et pensant quil est neanmoing a prñt en ses bons sens entendement et parfaite memoyre et pour esviter a tous proces que pourroict estre mené appres son deces entre ses enfants pour raison de ses biens (,) a vollu disposer diceulx faire comme faict de prñt son testament nuncupatif et ordonnance de dernieres vollontés en la forme suyvante
premierement comme vray chrestien a faict le signe de la saincte croix disant in nomine patris et filii et spiritus sancti amen recommandant son ame icelle séparée de son corps entre les mains de notre seigneur la vierge marie saincts et sainctes du paradis (,) eslisant sa sepulture au cimitiere de lesglise paroissiale dud Bas tombeau de ses predecesseurs parents et amys trespassés ou veult que soict enseveli et a messieurs les s(ieu)rs curé et prestres de lad esglise et pour le regard de ses honneurs funebres sen remet a la devotion et discretion de son heritier bas nommé
item donne et legue et par droict dinstitution particuliere deslaisse a Jehanne Claudine et Loyse PORTE ses filhes naturelles et legitimes et de deffuncte Laurence SCELLIER sa femme a chascune delles la somme de trois cens livres ts payable a payements annuels lorsque seront daage compettant ou colloquées en mariage en droict (?) et arbitrage de parents et amys (,) inclus et compris en lad somme de trois cens livres le legat a elles faict et constitué par lad deffuncte SCELLIER leur mere par le testament quelle a faict (,) receu par le notaire soubsné
Item donne et legue par mesme droict que dessus a Benoist et Loys PORTE ses enfants naturels et legitimes et de lad deffuncte SCELLIER sa femme a chacung deulx la somme de six vingt livres ts (1) comprenant et inclus de mesme en lad somme de six vingt livres leur legat maternel qui leur fust faict par lad deffuncte SCELLIER en son test(amen)t receu comme devant et par led notaire soubsné (,) payable lad somme a payes annuelles a arbitrer par parents et amys (,) estant en aage de majorité ou colloqués en mariage (,) et ce pour tous droicts noms et actions que sesd fils ou filhes pourroient avoir et prethendre (...) present et advenir tant en ses biens que de lad deffuncte S(C)ELLIER sa femme et leur mere (,) veult et entend que desd legats les susd legataires se contentent et ne puissent autre chose demander ny quereller en ses biens (,) les a institués ses heritiers particuliers
et parce que le chef de tout bon et vallable testament est linstitution dher(itie)r ou her(itie)re (,) a ceste cause led testateur au résidu de tous et ung chascung ses autres biens droicts noms raisons et actions presents et advenir quelconques et en quelque part et lieu que soient assis et scitués(,) a faict créé esleu et de sa propre bouche nommé son héritier universel et general George PORTE son ainé fils naturel et legitime et de lad SCELLIER comme de mesme estant icelluy testataire eslu her(itier) universel de lad SCELLIER en son hoirie ainsi qu(')appert en le test(amen)t susd a condition de la rendre et remettre a cell(ui) de ses susd enfants tel que bon luy semblera et quil jugera estre idoyne et cappable
a ceste cause aussi led PORTE testateur a esleu et eslict pour son her particulier en lad hoirie led George (2) PORTE sond fils et heritier par lequel veult que tous ses debtes legats et justes causes estre payés et satisfaicts
et cest son test(amen)t et ordonnances de dernieres vollontés quil veult valloir comme tout bon et vallable test(amen)t peult et doibt valloir (,) cassant revoquant annullant et mettant au neant tous autres test(amen)ts codicilles quil peult avoir cy devant faicts fors que le prñt que veult soict son plein entier test(amen)t (,) priant et requerant les tesmoingts cy appres nommés et par luy recogneus estre (...) et memoratifs de son prñt test(amen)t et au nõre soubsné en retenir intrument public pour servir ce que de raison
En a esté faict et passé aud lieu de Valprivas maison dud testateur le treitziesme jour du moys de febvrier mil six cent dix neuf appres midy (,) presents Anthoine JUILHEN Loys ARNAUD André PRORIOL Jehan BOURG dict Robert Mathieu BERGEYRON Benoist B(...) tous laboureurs habitants dud village de Valprivas qui et led testateur ont declaré ne scavoir signer enquis et Messsire (...) NEYRON (...) prêtre habitué de lesglise dud Bas soubsné
[renvoi:] et ou led George PORTE decederoict sans enfants naturels et legitimes colloqué en mariage (...) ny aultre a led testateur substitué en son hoirie et de sad femme Benoist PORTE son second fils et ou de mesme led Benoist PORTE decederoict sans enfants du sien mariage ou de sad (...) a appellé et appelle en ses lieu et place son troisiesme fils nommé Loys PORTE et ainssy au cas susd (...) selon lordre de primogeniture
Me NEYRON prêtre et moy notaire royal soubsné st(ipulan)t et re(cepvan)t TOURTON
Notes