AD 34, 2E 39/356 M° Antoine BOURGUET Notaire de Lodève
26 juillet 1566 Testament de Brenguier HUGONENC 24312 G 15
Testament de Brenguier UGONENC
du masage de Solaiges paroquie des Plans dioceze de Lodeve
Le XXVI° jour du mois de juillet mil Vc LXVI de grace ITEM sest personnellement estably Brenguier UGONENC du masaige de Solaiges juridiction des Plans dioceze de Lodeve lequel pensant que ni y a chose plus certaine que la mort ne plus incertaine que lheure de ycelle et affin que apres son deces ne soient debat question ne proces veust a volu de son gré fere et ordonner son testament nuncupatif et dernieres volontés nuncupatives en la forme et maniere que sensuit. [espace vide et raturé]
Et premierement a recomandé son ame et ITEM a voleu estre ensepvely au semetiere de Sainct Saturnin des Plans ITEM a voleu que le jour de sa sepelture soient convocats (convoqués) nou pretres seigneurs deglise donnant a chascun la somme de vingt deniers sans reffection ITEM a la novene vol que soient convocats doutze pretres desglise leur donnant vingt deniers sans reffection corporelle ITEM au jour del an vol que soient convocats treze seigneurs de eglise pretres donnant a chascun la some de XX d sans reffection [Renvoi: ITEM a legar (légué) por amour de Dieu als (messes ?) basses de (voix ?) de lesglise des Plans a chascune II sols ts
ITEM a legar a Guilhame sa filhe legitime et naturelle feme de Pierre BRUNEL des Plans oultre la costituõn de doere (douaire) pour touts droicts actions quelconques que elle poroit avoir en ses biens la some de dix livres ts paiables en dix années commensant le jour du desses et avec ce la faicte son heretiere particuliere et que ne ose (?) a rien plus demander en ses biens. ITEM a legar a Margarite BRUNELLE sa bode * et a touts ses aulthres bocts et bodes la some de cinq sols ts ITEM a legar a Jehan UGONENC son frere la some de V sols ts et avec ce la faict son heretier particulier et que ne puisse rien plus demander en ses biens. ITEM a legar a Marie UGONENCA sa soeur feme de Brenguier B... ? du mas de (...) la some de cinq sols ts et avec ce la faicte son heretiere particuliere et que ne ose rien plus demander en ses biens. ITEM a legar a Jehan YGONENC fils de aultre Jehan son nebot la some de cinq sols ts et avec ce la faict son heretier particulier. ITEM a legar a Margarite BRUNELLE sa niese et a touts aultres bocts et bodes en touts V sols ts et avec ce la (les a) faicts ses heretiers particuliers. (répétition) ITEM a legar a Alaisseta BRUNELLE sa femme legitime vol et ordonne que soit sa vie durant mestresse seigneuresse vestue chaussée suivant la possibilité de ses biens et faculté de sa personne et a la fin de ses jours semblables funeralhes que pour luy a legar au presant testament sans autres charges que lad puisse prandre de ses biens.
Et en touts et chascuns ses aultres biens a faict et de sa propre bouche a nomé Jehan UGONENC son fils legitime et de lad BRUNELLE (...) vol que touts ses legacts soient pagacts ** et satisfaicts et aussy que se fasse seduller *** a ses co..acts (?) des robes que il a resseus du doere de sa feme Alaisseta BRUNELLE ITEM vol et ordonne que Jehan UGONENC son frere soict teuteur de son heretier et (de ses) biens et jurateur de son ame (voir executeur de son ame) avec le curé desd Plans. ITEM a voleu et veult que touts led testament ou testaments legacts ou donation a cause de mort que il porroict avoir faicts par avant casse nule (annule) et revoce (révoque) et veult que se (...) presant aie valeur et efficass(it)e et de plein (...) et que valhe par donaõn a cause de mort priant requerant aulx tesmoings cy desobs escripts leur en sovenir lesquels (il) a presentemnt cogneus et només et requis de moy notaire roial sobsné.
Faict et recité aud mas et a la maison du dict testateur en le debas de la maison presances de Pierre AUBERT de Jehaume VERNHES d'Esparrou, Bertran MARTY d'Esparrou, Mathieu COSTE de Solaiges, Guilhem CALMELS d'Esparrou, Jehan ROUCHE d'Esparrou, Jehaume MARQUOREL de Solaiges tesmoings requis et marqués et moy Anthoine BORGUET notaire.
Les marques des tesmoins suivent, une seule est identifiée comme étant celle de AUBERT, le notaire n'a pas signé
Notes: * boda: en occitan, neboda signifie la nièce. La phrase répétée plus bas donne le mot niese. On trouve aussi les bocts et botes, neveux et nièces. ** pagacts: payés; participe passé du verbe occitan pagar. *** une cédule: promesse de payer. se fasse seduller: sens peu clair.