sa femme a chacune delles la somme de troyes
cent cinquante livres ts AD 42 CHMS 1009, Maître TOURTON, notaire de Bas en Basset, 43
le 4 avril 1626, testaments de
Claude JULHIEN le Jeune (n°4018 ) et Catherine ARRANCHE (n°4019) de Valprivas, Bas
Au nom de Dieu a tous presents et advenir soit notoire que pardevant le nőre royal soubsne et presents les tesmoins soubsnes sest estably en sa personne Claude JULHIEN Jeune laboureur du lieu de Valprivas par(oiss)e de Bas ressort du Forestz qui de gre et bonne volonte considerant estre indispose de sa personne et a cause de lad indisposition dettenu dans sa maison au pres du feu sain de ses bons sens et entendement, parfaite memoire et parce que lheure de sa mort est incertaine craignant den estre surpris et que proces pour raison de ses biens ne soict appres son deces mene entre ses enfants a vollu faire son testament dispositions finalles en la forme que sensuit
premierement comme bon chrestien et catholique a faict le signe de la saincte croix disant au nom du pere du fils et du sainct esprit amen recommandant son ame entre les mains de notre seigneur, la vierge marie, saincts et sainctes de paradis eslisant sa sepultture au cimetiere de lesglise paroissiale de Bas, tombeau de ses predecesseurs parents et amys trespasses se remettant pour le regard de ses honneurs funebres a la devotion et la discretion de son heritier bas nomme
Item donne et legue a messires (.) pretres habitues de lesglise de Bas la somme de troys livres pour un trentain de messes quil veult estre dites a son intention dans lad esglise a commencer a lan de son deces payable par une foys appres son deces a chacun desd pretres acceptant et led testateur veult leur estre paye par sond heritier bas nommé la somme de deux sols ts et estre faict augmosne aux pauvres le (...) de lan de son enterrement dung cestier bled seigle mesure de Sainct Bonnet
Item donne et legue et par droict
dinstitution par(ticulie)re deslaisse a Gabrielle et Germaine
JULHIEN ses filhes naturelles et legitimes et de Catherine ARRANCHE
sa femme a chacune delles la somme de troyes
cent cinquante livres ts
Item donne et legue et par mesme droict dinstitution que dessus a Vital JULHIEN son fils naturel et legitime et de lad ARRANCHE la somme de deux cent cinquante livres ts et la quantite de cinq cestiers bled seigle mesure de Bas et ce pour tous droicts de nature et legitime paternels que ses susd enfants et legataires pourroyent avoir et prestendre en ses biens veult et entend led testateur que de ce susd legat ses susd enfants se contentent et ne puissent autre chose demander et quereller en sesd biens, les instituant ses heritiers part(icullie)rs payables lesd legats par son heritier bas nommé a payements annuels (........) lors que seront en age compettant pour la regir et commencant o(ů) seront colloques en mariage
Item donne et legue a Isabel
et Catherine JULHIEN ses filhes mariees a Mathieu
BERGEYRON et Pierre GARB.. outre la constitution en leur
contract de mariage scavoir a lad
Isabel une portion de pré quil luy restoict
scitue au terroir d (?) appres le pré de la
R... (...) qui est le restant
dautre pré par luy cy devant donné a lad Isabel
en son contract de mariage dont led JULHIEN
sond pere (..) de laquelle portion pourra prendre possession appres son deces
(...) de scavoir quil veult (...) desvestisons et investisons et autres clauses necessaires
et a lad
Catherine la somme de cinq sols payable par une
foys appres son deces veult que de ce se contentent et ne puissent autre chose demander
en sesd biens les instituant ses heritieres particulieres
Item donne et legue a Anne BERGEYRON (1) sa filheulle un cestier bled seigle mesure de Bas payable appres son deces par sond heritier ou lors que sera en mariage
plus par
mesme institution que dessus donne et legue a
lad ARRANCHE sa femme son habitation nourriture et
vesture dans sa maison sa vie durant avec sond
heritier bas nommé et il et elle elle ne pourront
compatir et se volderont peynes (?) luy
donne son habitation sa vie durant dans une chambre
de sa maison qui est au dessus le coutté de la c(...)
et autre chambre au dessus (...)
au c...... avec la m... qu y so.. de
..... et autre avec (...) pour son service
la quantite de deux cestiers bled seigle mesure de Bas
six .... vin de pays de (.) qui se recelhera
en la vigne dud testateur, vingt cinq livres lard
quinze livres beurre, quinze livres fromage et cinq
quintaux foin a prendre au pre de la (...)
et une robbe drapt de pays de trois en trois
ans, une paire solliers de cinq en cinq ans
trois aulnes thoisle de mesnage avec pouvoir
de prendre au jardin des herbes pour son mesnage
du bois pour se chaufer et se (...) et (..) a la
remise et la somme de seitze [surcharge: lts ou sol] payable lad pention par sond heritier
annuellement a deux payement esgaux a chaque feste
de la sainct martin et de la sainct baptiste (2)
et appres le deces de lad 
ARRANCHE veult lad
pention estre estainte et dicel(le) sond heritier
estre quitte et outre ce pour (...) comme
susd veult luy estre (...) par sond heritier
deux couvertes layne du pays et troys linceuls
une coytte et coussin vallant [renvoi: ] lad pention a elle faicte par led testateur a sad femme en
consideration de ce que lad 
a faict ce jourdhuy
son testament et disposé de son bien en faveur de son enfant,
et veult et entend quelle voldroict [si elle voulait] revoquer sond testament,
faire autre disposition, led testateur en ce cas revoque
des a present lad pention faicte a sad femme, veult que
sond heritier en soict quitte [fin renvoi]
et parce que le chef de tout bon et valable testament est linstitution de condition heritier a cette cause ledict testateur au restant de tous et chacuns ses autres droicts noms raisons et actions presents et advenir quelconques en quelque part et (.....) que (....) puissent consister a faict cree et de sa propre bouche nommé son heritier universel a general a scavoir Anthoine JULHIEN son fils aisné par lequel veult que tous ses debtes legats (..) estre payes acquittes et cest son testament et ordonnances de derniere vollonte que veult valloir comme tout bon et vallable testament peult et doibt valloir cassant revoquant et mettant au neant tous autres testaments codilles donnations a cause de mort quil pourroist avoir cy devant faict fors le present que veult que soict son plein et entier testament priant r(eque)rant les tesmoins bas nommés estre r(..)es et memoratifs de sond testament qui luy a este leu et releu par le nőre soubsné et a en estre faict acte que luy ay octroye (...) dud ressort du forestz
faict aud Valprivas au quatriesme jour du moys dapril mil six cent vingt six appres midy dans la maison dud testateur presents Me Claude JULHIEN l'aisne, Jacques CHOMMETTON, Claude DEMORE Jehan (?), Claude FOURNIER, Mathieu CHAMBOUNNET Marcellin SAULZET l'aisne et Mathieu CHOMETTON dit le P... laboureurs habitant aud village de Valprivas qui nont seu signer enquis non led testateur, ledict JULHIEN c'est soubs signé
pńt C JULHIEN TOURTON nőre royal
Au nom de Dieu a tous presents et advenir soit notoire que pardevant le nőre royal soubsné et presents les tesmoins soubsmés sest etablie en sa personne Catherine ARRANCHE femme de Claude JULHIEN jeune du lieu de Valprivas par(oiss)e. de Bas au ressort du Forest laquelle considerant toute co(...) humayne dabvenir mourir et lheure dicelle mort estre incertaine, p... quelle est en bonne sante maintenant entendement et parfaite memoire craignant destre surprise et que proces pour raison de ses biens ne soicy appres son deces mene entre ses enfants a vollu faire son testament et ordonne ses dernieres vollontes en la forme que sensuit
premierement a faict le signe de la saincte croix disant au nom du pere du fils et du sainct esprit recommandant son ame entre les mains de notre seigneur, la vierge marie saincts et sainctes de paradis, eslisant sa sepultture au cimetiere de lesglise paroissiale dud Bas tombeau de ses predecesseurs parents et amys trespasses, se remettant pour le regard de ses honneurs funebres (...) et augmosnes, a la devotion de son heritier bas nommé
Item donne et legue et par droict dinstitution particuliere deslaisse a Gabriele et Germaine JULHIEN ses filhes naturelles et legitimes et a Vital JULHIEN son fils aussi naturel et legitime et dud JULHIEN sond mari a chacun deux la somme de cinquante livres ts payable par son heritier bas nommé a payements et (...) de sesd enfants lors que seront colloqués en mariage ou en age compettant pour le scavoir regir et (...) et ce pour tous droicts de nature et legitime maternels que sesd enfants et legataires pourroyent avoir et prethendre en sesd biens, veult (...) que de ce se contentent et ne puissent autre chose demander en sesd biens, les instituant ses heritiers par(ticulie)rs
Item par mesme droict qe dessus donne et legue a Isabel et Catherine JULHIEN ses autres filhes femmes a Mathieu BERGEYRON et Pierre GARB.. outre le contenu en leur contract de mariage a chacune delles la somme de cinq sols ts payable par une foys appres sond deces et ce pour tous droicts que pourroyent avoir et prethendre sur sesd biens les instituant ses heritieres particulieres
et au restant de tous et chacuns ses autres biens droicts noms raisons et actions pńts et advenir quelconques lad testatrice a faict cree et de sa propre bouche nommé son heritier universel et general a scavoir Anthoine JULHIEN son fils aisné naturel legitime et dud Claude JULHIEN son mari par lequel veult que tous ses debtes legats p(...) cause estre payes et acquittes
et soict son testament et ordonnances de dernieres vollontes quelle veult valloir comme tout bon et vallable testament peult et doibt valloir cassant et revoquant tous autres testaments codiciles donnation a cause de mort quelle pourroit avoir cy devant faict fors le present que veult que soict le seul plain et entier testament priant et requerant les tesmoins bas nommés par elle bien recogneus estre (r..) et memoratifs de sond present testament qui luy a este leu releu et au nőre soubsné en retenir instrument public que luy ai octroyé en acte (...) pour servir ce que de raison
faict et passé aud Valprivas maison dhabitation de lad testatrice le quatriesme jour du mois dapril mil six cent vingt six appres midy presents Me Claude JULHIEN laisné, sousbné, Jacques CHOMETTON, Claude DEMORE fils, B et claude FOURNIER, Mathieu CHAMBONNET, Marcellin SAULZET laisne, et Mathieu CHOMETTON dit La Payre laboureurs habitant de Valprivas qui nont seu signer enquis ni lad testatrice
pńt C JULHIEN et moy nőre royal soubsné TOURTON
Notes