AD 34, 2E 39/456 M° VAISSIERE Jean père, Notaire de Lodève
14 décembre 1621 à Lodève (34)
Testament de Me Imbert ESCUDIER 5136 G 13 de la Fourille
Lan mil six cens vingt ung et le quatorziesme jour du mois de decembre avant midy regnant treschretien prince Louys par la grace de dieu roy de France et de Navarre dans Lodeve pardevant moy nõre soubzné et pñs les tesmoingz soubz escriptz a esté personnellement estably Imbert ESCUDIER laboureur habitant du mazaige de La Fourille terroir et juridiõn du Puy d Albaigue dioceze de Lodeve lequel se voyant ataint de velliesse et caducitté considerant quil ny a chose plus certaine que la mort ny plus incertaine que lheure dicelle toutesfois sependant quil est en sa bonne memoire sans (sens) et entandemant a vouleu dispozer de sa personne et biens a la fin que pour ladvenir ny ayt entre ses enfans et successeurs alcung proces ny debat et cest en la forme et maniere que sensuict
En premier lieu apres avoir recomandé son ame a dieu le pere tout puissant et a la glorieuse vierge Marye et a toutz les saintz et saintes de paradis auroict faict le signe de la Ste Croix dizant in nomine patrii et filii spiritui sancti amen Item veult et ordonne led testateur (quand) son ame separée de son corps sond corps estre entarré et en sevelly au simitiere de lesglize parochielle St Michel dud Puy d Albaigue tombeau de ses feuz parans et amis veult aussy estre appellés et convoqués a leur sepulture nouvene et bout d an telz nombre de pbres (prêtres) que plera a son heretier universsel soubz escript et par luy payés
Item a legué et donné lesd testateur pour tout droict dinstituõn et hereditaire portion a Michel et Pierre ESCUDIER ses enfans legitimes et naturelz et de feue Anne BOUSQUETTE (pour) led Michel et led Pierre de Beatrix COSTE en second lict a chacun deulx la somme de cinquante livres tz paiable scavoir la moytié le jour de son mariage et lautre moytié ung an apres et moyenant ce les a aussy (?) faictz ses heretiers particuliers et (veult) que ne puissent autre chose avoir ny prethandre en sesd bien
Item ausy legue et donne pour tout droict dinstituõn et hereditaire portion a Catherine Marye et Margueritte ESCUDIERES aussy ses filhes legitimes et naturelles et de lad feue BOUSQUETTE scavoir a ladicte Margueritte la somme de quarante livres tz trois robes drap de maõn (maison) une flessade sine bourenq (??) deux linceulz deux moutons et deux cestiers thozelle paiable scavoir vingt livres tz le jour de son mariage et les autres vingt livres restans robes bourenq (?) linceulx et thozelle et moutons dans deux ans et a deux payes et sans acomulaõn dicelle et aussy (à) Marye et Catherine a donné et confirmé led testateur donne et confirme la somme et chozes aussy a elles constitués le jour de leur mariage et vingt soulz a chacune de plus paiable lesd vingt soulz ung an apres sond desses et moyenant ce les a aussy faictes ses heretieres particulieres et (veult) que ne puissent autre choze demander en sesd biens
Item ausy donne et legue led testateur pour tout droict dinstitution et hereditaire portion a Magdaleyne et Françoise ESCUDIERES aussy ses filhes legitimes et naturelles et de lad COSTE sad famme en second lict a chacune dicelles aussy parelhe somme de quarante livres tz robes bouvenq (?) linceulx moutons et bled paiables aussy aux mesmes termes que aulx autres et moyenant ce les a aussy faictes ses hertieres particullieres et que ne puissent autre choze avoir ny prethandre en sesd biens
Item aussy legue et donne lesd testateur en (à) tous ses autres parans ses nepveux niepces et autres ses parans prethandans droict en ses biens estant la somme de cinq soulz entre eulx a diviser payable par une fois et moyenant ce les a faictz ses heretiers particuliers que ne puissent rien prethandre sur sesd biens
Son heretier universsel et general de tous et chacuns ses biens droictz voix noms et actions meubles immeubles pñs et advenir a faict led testateur et de sa propre bouche nommé scavoir est François ESCUDIER son filz legitime et naturel et de lad feue BOUSQUETTE pour en faire et dispozer a ses plaizirs et volantés tant en la mort que en la vye saulf et pacte que au cas il viendroict a mourir sans enfans procurés de son legitime mariage veult que lad hereditté vienhe et de droict apartienhe aud Michel et ainsin dud Michel aud Pierre et de mesme de lung a lautre suivant lordre de primo geniture
Veult aussy led testateur et ordonne que et tant que led Michel sond filz est al...emant (?) indispozé de sa personne et quil ne se marieroict (veult) que tant quil demeurera en estat de companher quil soict nourry et entreteneu comme il est a pñt dans sa maõn fezant de son pouvoir tout ce quil pourra tant quil demeurera au profit de la maõn veult aussy led testateur que lad COSTE sadicte fame soict nourrie et entretenue durant sa vye vivant en honneste viduitté avec son dict heretier a la charge aussy de se comporter (s'entendre ?) avec luy et au cas ne vouldroict vivre daccord avec son dict heretier ne luy donne que la somme de cinq soulz tz
Cassant et revoquant tous autres testemans codicilles ou donnaõns cy devant faictz a cauze de mort et veult le pñt aye vertu et efficasse et que sorte a son effaict et autremant en la melheure forme que testemant peult valoir aussy a led testateur requis les tesmoings soubz escriptz luy porter du pñt testemant tesmoniage de veritté
Faict et recité dans
la maõn de moy nõre pñs a ce Pierre
ROLLENDE jeune Me Bernard ROQUE Jacques
RIFFY Guinel (Guillaume ?) ARRAZAT cordonnier Mathieu
RABEJAC musnier Estienne BROSSONNET chappellier
et Jacques CURAH cardeur habitans dud RABEJAC, Estienne BROSSENET, RIFFY, ARRAZAT, ROULLENDES,
VAISSIERES, notaire