Testament de Laurence SCELLIER

AD 42 CHMS 1007, Maître TOURTON, notaire de Bas en Basset, 43

19 Octobre 1612 Testament de Laurence SCELLIER (sosa 4003)

femme de Anthoine PORTE, (sosa 4002) laboureur de Valprivas, paroisse de Bas

Au nom, de dieu soict faict Nous Lambert CREPPET (?) conseiller du Roy juge et lieutenant general civil et criminel au balhage (.) ressort du Foretz scavoir sachant que regnant Loys par la grace de dieu roy de france et de navarre pardevant le nottaire royal soubsné et presents les tesmoingts soubsnommés

sest establie en sa personne Laurence SCELLIER femme a Anthoine PORTE lab(oureu)r du village de Valprivas par(oiss)e de Bas qui estant en ung lict de sa maison mallade de malladie corporelle et affliction de sa personne saine touttefoye de ses cens et entendement bien oyant voyant parlant et cognossant (,) considerant nestre chose plus incertaine que la mort ni rien plus incertaines que lheure dicelle et affin que proces et question ne soict mené appres son deces entre ses mary et enfants pour cause de ses biens a voulu faire comme faict de present son testament nuncupatif et ordonnances de dernieres volontes en la forme que sensuit

premierement comme vraye catholique a faict le signe de la ste croix disant "au nom du pere du fils et du st esprit amen" a recommandé son ame icelle estant separée de son corps entre les mains de notre seigneur la vierge marie et tous les saincts et sainctes de paradis (,) volant sond corps estre inhumé et ensevely au cimitiere de lesglize p(aroissial)e dud Bas tombeau de ses predecesseurs parents et amys trespassés (,) se remettant pour le regard de ses honneurs funebres a la devotion et discretion de son heritier bas nommé

Item a donné et legué et par droict dinstitution particuliere deslaissé a Jeanne, Clauda et Loyse PORTE ses filhes naturelles et legitimes et dud Anthoine PORTE son mary la somme de quatre vingts livres ts a chascune delles que veult leur estre payée a payements annuels (à) arbitrer par parents et amys lorsquelles seront colloquées en mariage ou daage compettant pour la regir et gouverner

Item a donné et legué par semblable droict que dessus a George, Benoist et Loys PORTE ses enfants masles naturels et legitimes et dudit Anthoine PORTE son mary a chascun deulx la somme de soixante livres ts payable comme dessus a payements annuels (à) d...er par parents et amys lorsquils seront en aage de ladministrer ou colloqués en mariage (,) veult que des susdicts legats sesd enfants se contentent et ne puissent autre chose demander ny quereller en ses biens les instituant en ce ses heritiers particuliers

et parce que le chef de tout bon et valable testament est linstitution dheritier ou heritiere a ceste cause lad testatrisse au residu et g(..?) de tous et ung chascun ses autres biens droicts (...) noms raisons actions quelconques presents et advenir a faict créé et de sa propre bouche nommé son heritier universel et general led Anthoine PORTE son cher mary present par lequel a voulu tous ses debtes legats et justes causes (?) estre payés et satisfaicts (,) a la charge par luy de remettre lad hoirie appres son deces a tel de ses enfants que bon luy semblera soit masle ou filhe sans quil soict tenu den tenir reddition de compte (...) dinventaire ny prestation de (...) les ayant par (deux lignes peu lisibles)

et cest son testament et ordonnance de derniere volonté quelle veult valloir comme tout bon et vallable testament peult et doibt valloir (,) cassant et revoquant annullant et mettant au neant tous autres testaments et codicilles quelle pourroict cy devant avoir faict (,) volant que le present demeure en sa forme et (...) priant et req(ueran)t les tesmoingts bas nommés (,) par elle bien recogneus (,) estre memoratifs de son present testament et au no(tai)re royal soubsné en retenir instrument public octroyé ( suivent trois lignes peu lisibles, qui correspondent à des formules habituelles sur la validité de l'acte devant les cours du baillage )

faict aud lieu de Valprivas le dix neufviesme jour du moys doctobre mil six cens douze avant midy presents Guilaume DEMORE, Marcellin COUSTANSSON, Claude DEMORE jeune, Loys PORTE, Mathieu PORTE fils a Loys, Pierre DEMORE fils a André laboureurs dud Valprivas qui ny lad testatrisse nont seu signer et Jehan DEMORE fils a susd Guillaume signé

DEMORE Jehan et moi not royal soubsné stipulant et recepvant TOURTON