AD 34, 2E 39/333 M° Mathieu ALQUIER Notaire de Lodève

Publication le 25 janvier 1559 du testament du 3 février 1558 de

Marguerite VERNISSE 24069 veuve de Pons ALTERAC 24068 G 15

Publicaõn de testament de Marguerite VERNISSE

en son vivant vefve a Pons ALTEYRAC des Plans

Scachent tous pñs et advenir que lan a lincarnaõn nre Seigneur mil cinq cens cinquante neuf et le vintgcinquiesme jour du mois de janvyer regnant tres chrestien prince François (II) par la grace de dieu Roy de France   au lieu des Plans et place publique lieu acoustumé tenue la court heure de t... de matin   par devant M° Guillaume VERNETTE baille pour les messieurs du venerable chapitre de leglise cathedralle de Lodeve seigneurs haults moiens et bas dud lieu   en presence de moy noutaire royal grefier dudict chapitre soubzné et pñs les tesmoings ci apres anoumés

Auroit compareu et personellement se seroit pñté Pierre ALTEYRAC fils a feus Pons ALTEYRAC et Marguerite VERNISSE mariés en leur vivant habitans du lieu des Plans et heretier universel de lad Marguerite sa mere   lequel auroit propousé dict et narré lad Marguerite venant en ses derniers jours avoir faict et ordonné son dernier testament nouncupatif et derniere voullanté nouncupative par devant Mre Estienne BONAIL pbre curé dud lieu   lequel a la requisition de lad Marguerite auroit escript et redigé en memoire led testament et voullanté et icelle apres recit en pñce de pleusieurs (tesmoings) icelluydict ALTEYRAC instituant son heretier universel   et par aultant que la memoire des hommes seroit debille et plusieurs tesmoings validitudinaires et vieux   se seroit-il deliberé faire publier led testament et derniere voullanté et icelle faire rediger en fourme publique et auctentique suyvant fourme et disposition de droict pour sen ayder aladvenir comme de raison

Et pour veoir proceder alad publicaõn a dict icellui ALTEYRAC fils et heretier susd aux pñs jour lieu heure avoir faict adjourner Catherine sa seur femme mariée a Jehan ALMERAS de Sarramejane   Catherine BOUETE fille a feus Berenguier BOET et Catherine VERNISSE niepce de lad Marguerite testatrisse   ensemble a haulte voix et en publique par jugemant ? solempnel tous ayans ou pretendans avoir droict actions interests en lheredicté de lad testatrisse   et iceulx faict assigner aux pñs comme judiciallement avoir faict areferé (référer) Pierre MASSEL sergent ordinaire dud lieu y pñt
Neantmoings a dict avoir faict assigner ledict Me Estienne BONAIL pbre curé qui auroit receue et escripte lad cedulle testamentaire aux fins dicelle apourter et remectre vers la pñte court pour estre ouy sur le contenu dicelle   ensemble aussy les tesmoings memorans et qui auroient assisté aud testement a ces fins adjournés   comme aussy judiciallement ce avoir faict a refferé led Pierre MASSEL sergent   requerant en pñce ou default de lad Catherine sa seur et autres adournés ou ne comparestroient estre procedé alad publicaõn de testement

Et avant tout oeuvre icellui Mre BONAIL y pñt estre constraint a remectre icelledicte cedulle testamentaire quil auroit prinse et escripte a la requiõn de lad Marguerite testatrisse   ensemble aussy que icellui BONAIL et tesmoings en icelle memorans et nommés se comparessoient   estre receus ouis et examinés sur le faict et contenu dud testament   pour apres le tout faict et redigé en fourme publique et auctentique acte et instrument   en estre faict concedé avec interpõn (?) de decret pour memoire afuteur et luy servir comme de raõn (raison)   Desd parens adjournés nul a compareu saulf lad Catherine BOECTE niepce   laquelle a dict et declairé ni avoir poinct interests consentant que ledict testement soit publié et redigé en fourme publique auctentique comme de doict   et par led Sr Baille veue la requiõn dud ALTEYRAC et relation dud Sergent   default fut ordonné contre lad Catherine ALTEYRAGUE fille de lad Marguerite et seur dud demandeur et autres parens adjournés   a tel profict et utillité quil seroit procedé a la publicaõn requise
Et ce faisant comandement audict Mre BONAIL y pñt de incontinant remectre vers lad court la cedulle testamentaire de lad Marguerite mere dud ALTEYRAC quil requis en auroit escripte et recité   ensemble aussy seroit a la reception audition et examen des tesmoings adjournés en icelle comprins pour ce faict   et le tout veu y estre pourveu comme de raõn
Et faicte audience et appeller par led MASSEL Sergent lesd BONAIL et tesmoings auroient compareu scavoir   led Mre BONAIL pbre curé lequel au comandement dud sieur Baille a remis lad cedulle testamentaire de lad Marguerite par luy escripte et signée et juré aux saincts evangilles (de) nõre seigneur dieu   et depouser verité de (ce qui) est juré quil sera interrougé resultant de lad cedulle et ses circonstances   Aussy ont compareu Pierre BELACARE, Guillaume BELLACARE vieux, Guillaume MALLET, Mathieu VINAS, Estienne VERNET, Jacques PASTRE, Guillaume VERNET tesmoings memoraires et adjournés   lesquels pareillement de mandement dud Sr baille ont juré aux saincts evangilles nõre seigneur dieu et depouser verité de (ce qui) est sur le contenu en lad cedulle   et lesquels tesmoings ont esté receus comme de droict sont a recepvoir et arrestés par led lieu jusques avoir esté ouis   ensemble aussi lad cedulle testamentaire et assertion et production dud Mre BONAIL faicte receue et registrée aux registres de la pñte court   pour ce faict et ouis lesd BONAIL et tesmoings estre pourveu sur la publicaõn requise comme de raõn
Et a ce ont esté pñs Jehan LANCISE Sergent demeurant a Lodeve, Estienne BRUNEL, François TRIADOU dud lieu des Plans tesmoings a ce appellés et assistans et moy Mathieu ALQUIER noutaire roial grefier et secrectaire pour les messieurs dud chapitre quy en tout ce dessus suis esté pñt et la pñt (ai) acté au commandement dud Sr Baille estoipuant (stipulant )   qui ay registré et inseré lad cedulle testamentaire par led Mre BONAIL remise aux registres de la pñte court comme et tout ainsy et de la teneur que sensuit.

Lan milla cinq cens cinquante huict a la incarnaõn et le tres del mes de febria en la maison de dame Marguarida VERNISSA relaissade* de feu Pons ALTEYRAC malade de son corps, sane de son entendemen   prennaramen (?) se retourna a dieu et a la verges Marie et a tous los sancts et sanctas de paradis   et vol que quant son ame se separara del corps vol que la ame sia retournade a dieu et que al corps sia donnade ecclesiasteque sepulture   et que son corps sia sepulturat en lo semetiere de Sanct Adornin des Plans en lo tombel de ses parens et amics   Et vol que a son sepulture sian convocats nou* capellas cellebran messa donnan a chacun vingt deniers ts sans refection, et al clergue portan la croix huict deniers   Plus vol que a sa novena* sian convocats dix capellas cellebran messa donnan comme al sepulture   Plus vol que al cap* de lan sian convocats onze capellas cellebran messa donan comme dessus al sepulture   Plus donna al bassin de las armes ung soult tres deniers al bassin de nre dame ung soult trois deniers   Plus donna a Catherine molhe de Jean ALMERAS sa fille cinq soults payan une vegaga*   Plus donna a tous ses nebots* et nebodas* deux soults six deniers   Plus donna a Estiene son fils tout lo denault* comme va lo piala*   et lodict Estiene fera lo bocet (?) del dict pialla sur sa part deries* lo sots*   et den lodict Estiene tene la lauzade couverte, et ledict Peire (son frère) lo sot comme va sa part, et deries lo sots lo dict Estienne   Plus luy donna lo hort que estat de FOURMIT del Mas de Carle se confronte am be* los hereties de Berenguo VERNET   Item plus ung mallyol de lAigue voulte se confronte am los hereties de Jacques VINAS, am lo camy* que part des Plans, sen va alla Vallete,   am lasd pieces lo fa son heretie particullat

Et en tout son autre ben* fa son heretie Peire ALTEYRAC son fil et vol que tous legats desusdicts sian pagats per lo dict Peire son fil   executors testamentaris lo curat que sera de pñt (et) et Jacques PASTRE   Facha* en la maison delad Marguerite   pñs moussen Peire SALEL.., sen Anthoni BELLACARE, Guille VERNIS, Jacques PASTRE, Pierre BELLACARE vieil, Guillaume MALLET, Guillaume BELLACARE, Estienne VERNIS, Mathieu VINAS, et de me que de voullontat de lad Marguerite et par requiõn delle a faulte de noutary apres lo dict testament et de ma main signat an tal (?) Esteve BONAIL curat des Plans

Et lequel Mre Estienne BONAIL apres ouy et examiné sur le contenu de lad cedulle   de son aige comme a dict de quarante ans   moyenant jurement a dict et depousé que le troisiesme jour du mois de febvrier mil cinq cens cinquante huict il fut requis par Marguerite VERNISSE vefve a Pons ALTEYRAC   elle estant malade de certaine maladie en son corps en sa maison   de escripre et rediger en memoire son testament et derniere voullanté   elle touteffois estant en ses bons sens memoire et entendement   et ordonna et dispausa tout ainsy quest contenu en lad cedulle   laquelle apres led depposant recita demandement de lad testatrisse pñs les tesmoings y nommés   et entre autres ordonnances institua son heretier universel led Pierre ALTEYRAC son fils

Et tout aultrement comme est contenu en lad cedulle testamentaire par luy escripte et signée et vers lad court remise et ainsy a depousé contenir verité par son jurement quil apresté   Pierre BELLACARE habitant dud lieu des Plans de son aige comme a dict de quarante ans tesmoing juré receu ouy et examiné sur le contenu de lad cedulle testamentaire   dict avoir esté requis par Marguerite mere de Pierre ALTEYRAC en faisant son testement luy faire tesmoing   lequel fut escript et receu par Mre Estienne BONAIL pbre curé dud lieu   et elle estant en ses bon sens memoire et entendement combien quelle fut vieille et detenue daulcune maladie en son corps   et laquelle ordonna et dispousa tout ainsy quest contenu en lad cedulle testamentaire   apres icelle ouye et entendue institua et nomma son heretier universel led Pierre ALTEYRAC son fils

Et tout aultrement comme est contenu en lad cedulle Guillaume BELLACARE vieux habitant dud Plans   de son aige comme a dict de vingt sept ans   tesmoings juré receu comme le precedant ouy et examiné sur le contenu de lad cedulle testamentaire   semblablement dict avoir esté requis par Marguerite mere de Pierre ALTEYRAC en faisant son testement faire tesmoing   lequel fut escript et receu par Mre Estienne BONAIL pbre curé dud lieu   elle estant en ses bons sens memoire et entendement et detenue daulcune maladie en son corps   et laquelle ordonna et dispausa tout ainsy quest contenu en lad cedulle testamentaire   et par icelle ouye et entendue institua et nomma son heretier universel led Pierre ALTEYRAC

Guillaume MALLET habitant dud Plans de son aige comme a dict de quarante ans   tesmoing juré receu et ouy et examiné sur le contenu de lad cedulle testamentaire   dict avoir esté requis par Marguerite VERNISSE mere dud Pierre ALTEYRAC en faisant son testement luy faire tesmoing   lequel fut escript et receu par Mre Estienne BONAIL pbre curé des Plans   elle estant en ses bon sens memoire et entendement combien quelle fut vieille et detenue daulcune maladie   et laquelle ordonna et dispousa tout ainsy quest contenu en lad cedulle testamentaire   apres icelle ouye et entendue institua et nomma son heretier universel led Pierre ALTEYRAC son fils

Et tout aultrement comme est contenu en lad cedulle testamentaire   Mathieu VINAS habitant du lieu des Plans de son aige comme a dict de quarante ans   tesmoing juré receu ouy et examiné sur le contenu de lad cedulle testamentaire   dict avoir esté requis par Marguerite VERNISSE mere dudict Pierre ALTEYRAC en faisant son testement luy faire tesmoing   lequel fut escript et receu par Mre Estienne BONAIL pbre curé dud lieu   et elle estant en ses bons sens memoire et entendement combien quelle fut vieille et detenue daulcune maladie en son corps   et laquelle ordonna dispousa tout ainsy quest contenu en lad cedulle testamentaire   apres icelle ouye et entendue institua et nomma son heretier universel led Pierre ALTEYRAC son fils

Et tout aultrement comme est contenu en lad cedulle testamentaire   Estienne VERNIS dud Plans habitant de son aige comme a dict de vingt cinq ans   tesmoing juré receu comme le precedant ouy et examiné sur le contenu de lad cedulle testamentaire   dict avoir esté requis par Marguerite VERNISSE mere de Pierre ALTEYRAC en faisant son testement luy faire tesmoing   lequel fut escript receu par Mre Estienne BONAIL pbre curé dudict lieu   elle estant en ses bon sens memoire et entendement combien quelle fut vieille et detenue daulcune maladie en son corps   et laquelle ordonna et dispousa tout ainsy quest contenu en lad cedulle testamentaire   apres icelle ouye et entendue institua et nomma son heretier universel led Pierre ALTEYRAC son fils

Et tout aultrement comme est contenu en lad cedulle   Jacques PASTRE habitant dud lieu des Plans de son aige comme a dict de trente ans   tesmoing juré receu comme les autres precedans ouy et examiné sur le contenu de lad cedulle tetamentaire   dict avoir esté requis par Marguerite VERNISSE vefve a Pons ALTEYRAC et mere de Pierre ALTEYRAC en faisant son testement luy faire tesmoing ce que fest (fait)   lequel fut escript et receu par Mre Estienne BONAIL pbre curé dud Plans   elle estant en ses bons sens memoire et entendement et detenue daulcune maladie en son corps   et laquelle ordonna et dispousa tout ainsy quest contenu en lad cedulle testamentaire   et apres icelle ouye et entendue institua et nomma son heretier universel led Pierre ALTEYRAC son fils

Et tout aultrement comme est contenu en lad cedulle   Guillaume VERNIS habitant dud lieu des Plans de son aige comme a dict de trente ans   tesmoing juré receu comme les precedans ouy et examiné sur le contenu de lad cedulle testamentaire   dict avoir esté requis par Marguerite VERNISSE mere de Pierre ALTEYRAC en faisant son testament luy faire tesmoing ce que fest   lequel fut escript receu par Mre Estienne BONAIL pbre curé dud lieu   elle estant en ses bon sens memoire et entendement combien quelle fut vieille et detenue daulcune maladie en son corps   et laquelle ordonna et dispausa tout ainsy quest contenu en lad cedulle testamentaire   et apres icelle ouye et entendue institua et nomma son heretier universel led Pierre ALTEYRAC son fils

Et tout aultrement comme est contenu en lad cedulle   et par ledict Baille veue lad cedulle testamentaire   et dicelle faict faire lecture publicque par moy grefier noutaire   et attendu la declaraõn et consentement de Catherine BOUETE   et que aultres parens duemens assignés nauroient compareu   a esté ordonné veu le dire et deposition dud Mre BONAIL et tesmoings   quil seroict procedé a la publicaõn dud testament   faisant ladicte cedulle testamentaire a esté publiée redigée en fourme publicque faisant foy   et que seroict registrée aux registres delad court sur le tout interpousant son decret et auctenticité ? judiciaire saulf son droict et d... acte et instrument concedés aud Pierre ALTEYRAC et autres quil apartiendra   pour apres le tout estre expedié par moy noutaire soubzné

Faict passé et procedé au lieu et court dessus   pñs Jehan DELANCISE sergent François TRIADOU Estienne BRUNEL dud lieu des Plans tesmoings habitans a ce appellés et moy Mathieu ALQUIER notaire requis.

ALQUIER notaire

Notes du texte franco-occitan: nou: neuf   relaissada: veuve   al cap de lan, novene: voir neuvaine et bout d'an   vegada: un fois   boda, neboda la nièce. Variantes Lodève XVI°: bocts, botes, neveux et nièces.   lo debat: le bas de la maison   lo denault: le devant de la maison   la piala: certainement la poulaille, la volaille   deries: derrière   lo sots, sot: la soue, la porcherie   am, ambe, am be: avec   lo camy: le chemin   be, ben: le bien, la possession   facha: faite