AD42 5E44_39, Me MOLENCHON notaire de St Galmier (42)

Le 2 mai 1634, quittance générale pour Me Jullien DUTRUEIL

par Jacques et Antoine VOUTA père et fils, laboureurs des Ronchards

Dot du mariage de Antoine VOUTA et Anne DUTRUEIL 1860 & 1861 G 11

Furent pñs et personnellement establys hõnnetes Jacques et Anthoine VOSTA pere et fils [Renvoi: laboureurs de Ronchard paroisse de Sainct Heand] led Anthoine fils proceddant de lauctorité de sond pere   lesquels tous deulx ensemble et ung chacun deulx seul pour le tout sans division ny dixcussion a quoy ils renoncent   mesme led fils tant en son nom que d'Anne DU TRUEIL sa femme   pour laquelle ils se font fort et promectent faire agreer ces pñtes a requete

de leurs gré et franc voulloir confessent avoir heu et receu cy devant d'honnête Jullien DU TRUEIL marchant des Saulniers parroisse susd de Sainct HEAND pere de lad Anne DU TRUEIL   la somme de sept cens livres tz   une robbe et ung corps rond sarge   douze aulnes thoille   une couverte de Cathallogne ou dix livres pour icelle   vingt quatre bichets bleds soigle mesure de Fontanes   une asnée vin clairet mesure de l'estellon   quatre brebis et troys agneaux   et ce pour semblable somme et autres choses susd esquelles led Jullien DUTRUEIL estoit tenu et obligé ausd pere et fils VOSTA pour la constituõn a eulx promise pour la dot et verchiere de lad Anne DUTRUEIL sa fille et femme de AnthoineVOSTA fils   par le contrat de mariage receu par le soubzné le seiziesme du moys doctobre dernier   tellement que dicelle somme de sept cens livres et autres choses susd faisant lentier et parfait payement du contenu en la susd constituõn  

Iceulx pere et fils VOSTA [Renvoi: led fils de lauctorité de sond pere et au nom de lad Anne DU TRUEIL]   se sont tenus pour tout compte payés et satisfaits ensemble de la somme de douze livres pour une brave   huict bischets froment et une asnée vin   promise pour aydes et festes de nopces [Renvoi: (...) de tout le contenu en lad constituõn]   et en ont quitté et quictent led Jullien DU TRUEIL et les siens avec pacte de nen jamais rien demander ny quereller a peyne de tous despens domaiges et interests   et pour ce ont obligés et ypothequés tous et chacun leurs biens tant meubles quimmeubles pñs et advenir (...) quils ont soubzmis a touttes cours et renoncé a tous droicts contraires (...)

Faict a Fontanes appres midy le deuxiesme jour du moys de may mil six cens trente quatre   pñs a ce Me Benoist ESPARIEU pbre curé et François ROCHE hañt de Fontanes (...)   desquels a signé led Me ESPARIEU avec lesd VOSTA fils et Jullien DU TRUEIL et non lesd VOSTA pere ny ROCHE et autres temoins pour ne scavoir ainsy quils ont dict enquis et sommés suivant lordonnance.

VOSTA,   DUTRUEL,   ESPARIEU

Et moy nõre royal recevant MOLENCHON

Establye en sa personne la dessus nommée Anne DU TRUEIL femme aud Anthoine VOSTA laquelle proceddant de lauctorité de sond mary   a rattiffié apprecié et esmologué la quictance cy dessus et deument passée par sesd beau pere et mary et Juillien DU TRUEIL son pere   contenant davoir receu par eulx la constituõn entiere de la dot et verchiere a elle promise par sond pere par son contract de mariage avec sond mary   veult et entend quelle soit aussy vallable que sy elle avoit esté pñte a la passaõn dicelle   estant tres certaine que lemploy des deniers et autres choses receues par lesd beau pere et mary ont esté tournés et convertis au beneffice de leur cõmunaulté   tellement quelle sen contente et approuve icelle en tous ses poincts clauses et chappitres y apposant son consentement   et ce appres que lecture luy en a esté faicte de mot a autre par le nõre royal soubzné   le tout par promesse foy serment obligaõns de biens soubzmiõns renonciaõns clauses necessaires faict

(l'acte s'interrompt là)