AD 34 2E 39 399 Maître BABOT Jean Lodève
11 Avril 1608 Testament de Bernard ALMERAS, fils de Jehan du Mas de Merou Bas, Lodève
Au nom de dieu doit faict Amen l'an mil six cens huict et
le onziesme jour du moys d'avril avant midy, regnant tres chrestien
prince Henry par la grace de Dieu roy de France et de Navarre au Mas
de Merou Bas (...) l(è)s Lodève pardevant Moy Notaire
Royal soubssigné et tesmoings bas nommés
personnelement estably Bernard
ALMERAS fils de Jehan dudit Mas de Merou, lequel duement authorisé
dudit Jehan sondit père par icy present et (...) les choses soubsescriptes
quand (...) le licenciant (1), se voyant detenu dune maladie corporele
toutefois Dieu Graces sain de ses sens memoire et entendement
considerant ny avoir chose plus certaine que la mort ny chose
plus incertaine que lheure dicelle, voulant disposer des biens que Dieu
luy a donné en ce monde, affin quappres son deces aulcung debat proces
ny divorce narrive entre ses enfants et successeurs au moyen de quoy
ledit ALMERAS testateur de son bon gre ny induict ny suborné animé de son
propre mouvement a faict et ordonné son dernier
testement nuncupatif et derniere disposition de ses biens en la forme et maniere
suivant
Premierement a faict le signe de la saincte croix disant in nomine patris et filii et spiritus sancti amen recommandant son ame a Dieu son Createur le priant luy faire pardon et misericorde de ses fauctes et pechés par le merite de son fils nostre Seigneur Jesus Christ implorant les suffrages intercessions et prieres de la benoiste vierge Marie et de tous les Saincts et Sainctes de paradis pour la remission de ses pechés, et quand il plaira a Dieu lapeler a soy et son ame estre sepparée de son corps, a voulleu icelly estre inhume et ensepvely en la terre saincte sacrée et au cimetiere de leglise parrochiale (...) Sainct Martin des Combes et tombeau de ses predecesseurs, et pour le regard de ses honneurs funebres veult que au jour de sa sepulture soyent appelés cinq messieurs pretres (...) deglize ausquels veult que soict donné et payé cest a chascung de ceulx qui viendront archer (2) son corps aud Mas de Merou pour porter a la sepulture aud Sainct Martin trois souls ts (3) et aux autres quy marcheront et sarreteront aud St Martin deux souls ts (...) sans aulcune reffection corporele [renvoi bas de page: au jour de sa memoire (4) veult que soient apelés sept messieurs pretres ausquels veult que soit donné a ung et chescung d iceulx deux souls ts sans aulcune reffection corporele] lesquels sieurs pretres seront tenus prier Dieu pour lame dud testateur et autres ses parents et amys trespassés pour lesquels il est tenu prier
Item veult et ordonne ledit ALMERAS testateur que semblables funerailles soyent faictes a Isabel BRUNELE sa femme lhors que Dieu lappelera de ce monde et soit donné et payé semblable somme aux messieurs pretres qui acisteront a son anterrement et (...) cy dessus escriptes. Item veult et ordonne ledit testateur leur soit donné et payé a chescung (...) en ladite eglize estant quatre, cinq souls a chescung quest vingt souls pour tous quatre
Item legue et donne ledit ALMERAS testateur pour tout droit d institution hereditaire part et portion droit de legitime et suplement d icelle a Janne et Catherine ALMERASSE ses filhes legitimes et natureles et de ladicte BRUNELE sa femme et a une chascune d elles la somme de cent livres ts et deux robbes nuptiales cadis de couleur garnyes (....) a poinct de veste (?) une couverte leyne et deux linceuls a chescune payables cest soixante livres et lesdits deux robbes couverte et linceuls a une chescune dicelles le jour de leur mariage, et les quarante livres restant leur soict payé scavoir trois livres chesque année a la feste St Michel [renvoi: et commencera la premiere paye desd troys livres a la prochaine feste St Michel par les (..)] et au (...) ses heritiers faict semblable paye de trois livres a sesdictes filhes lesquel(le)s veut que ladicte somme de quarante livres leur soict entierement payé a ladicte feste St Michel a la charge que les payes ne se pourront accumuler ou seroit quil apparust de diligen.. ... ........... et avec ce (,) veult que sesdictes filhes soyent contentes sans pouvoir autre chose demander en ses biens les faisant ses heritieres particulieres
Item plus donne et legue ledit ALMERAS testateur audit Jehan ALMERAS sondit pere la somme de trente livres ts payable par son heritier soubsescript et dont a voulu que soit contant sans pouvoir autre chose demander en ses biens le faisant son heritier particulier
Item saichant ledit testateur avoir faict donnation de la moitié de tous et chescungs ses biens a Pierre ALMERAS son fils en faveur et contemplation de son mariage contracté avec Catherine FORMIDE laquel(l)e donation en tant que le (...) seroit ledit ALMERAS testateur approuve rattiffie osmologue confirme veult consent que soict (...) selon les formes (...) a la charge quil apportera et payera la moitié des charges tant desd leguats du present testament que autres charges que pourroyent arriver,
Item donne et legue aussy ledit testateur par mesme droict d'institution hereditaire part et portion droict de legitime et suplement d'icelle a tous ses autres parents nepveux (...) et alyés qui pourroyent pretendre et demander en ses biens la somme de cinq souls ts entre tous a diviser payables une fois tant seulement et avec ce veult que soyent contents sans pouvoir autre chose demander en ses biens les faisant ses heritiers particuliers,
Item veult et ordonne ledit ALMERAS testateur que ladite Ysabel BRUNELE sa femme soit nourie entretenue vestue et chaussée aux despens de ses biens jouxte la qualité de sa personne et facultés de ses dits biens et ce tant quel(l)e vivra en viduité et (...), et o(ù) et quand elle ne se pourroit accorder avec son enfant et heritier luy constitue icelluy testateur et assigne une pansion annuelle de la quantité de huict cestiers bled scavoir quatre thouzels et quatre mixture le tout bon marchant mesure dudit Lodève (,) deux muid (3) bon vin p(...), deux muid tr... s... aiguades (?), deux quintal chair salée, un cartal (4) huile olif payable une chascune année a la feste Sainct Michel, plus une robbe de trois en trois ans comme aussy ung (...) bas et devant col, aussy veult quelle ayt une chambre dans sa maison pour faire sa demeure pandant et durant sa vie tant seulement, et quel(l)e soit honorée comme aussy ledit Jehan sondit pere, par sesdits enfants et iceulx (...) comme vrays et fideles enfants sont tenus faire a l'endroit de leurs pere et mere lesquels siens enfants (...) et prie au nom de dieu de vivre en paix et en commung sans se séparer (...) ensemble comme ils ont accoustumé (...) et se comporter en vraye fraternité et en tous et chescungs ses autres biens droicts noms voix actions meubles immeubles present et advenir ou que soyent assis et ou que non et par quelque tiltre et moyen que les tient presentement ou puisse tenir a l'advenir, a faict ledit Bernard ALMERAS testateur faict institué et nommé de sa propre bouche pour son héritier universel et général scavoir est Estienne ALMERAS aussy son fils légitime naturel a la charge payer la moytié desdits leguats et autre moytié des charges que se trouveront estre legitimement deubs, et veut que ledit Pierre son autre fils et donataire doibt payer l'autre moytié et o(ù) et quand icelluy Estienne sondit fils et héritier viendroit a deceder sans enfant de son legitime mariage procure (5) substitue ledit Pierre, lequel venant aussy a deceder sans enfant legitime de son mariage procure substitue ledit Estienne pour en faire a ses plaisirs et volontés executeur de son ame et de son presant testament(,) a faict ledit testateur le cure ou v... qui sera au... de son bien en ladite eglize St Martin ensemble Jehan ALMERAS son beau frere du Mas de Merou Hault leur donnant puissance authorité permission de mand... (...) sesdits enfants et heritiers (...) sacquitter.. (...) (...) luy (....) ses honneurs funebres comme est pacté cy dessus et payer les leguats que dessus et autres charges (...) de son heritier particulier (...)
C'est son dernier testement ordonnance de mort disposition de ses biens voulant que veulhe par droit de testament verbal ou (...)ion, et quand il auroit faict autre testement ou testement verbal ou codicil, donation (...) a cause de mort ou entre vifs (...) et casse et révoque et du tout met au neant (...) ladite donation faicte aud Pierre sondit fils en faveur du mariage quil consent et approuve comme dessus, lequel testateur veult que soit (...) veult (...) en la melheure forme et maniere que testement de droict peult et doibt valoir, l'en a prié ledit ALMERAS testateur les tesmoings soubs nommés qu'il a tres bien recogneus luy porter bon et fidele tesmoignage de verité de (...) en son present testement, et a nous notaire luy en retenir acte et insturment et icelluy en p... apres son deces a sesdits enfants heritier et aultres quil appartiendra
Faict et récité audit Mas de Merou Bas maison dudit testateur, presents Philip R..?. maistre musnier dudit Lodeve, Guilhaume BA..? fils d'André du Mas de Campestre, Jehan ALMERAS fils d'autre dud Mas de Merou Bas, Jehan LACAM du vilage de Peyreleu en Rouergues demeurant pour berger audit Mas de Merou, Bernard ALMERAS fils de Thomas du Mas Hault, Pierre SUFFER du lieu de Ceilhes diocèse de Béziers, Jehan ALMERAS fils d'Anthoine du Mas de Merou Hault tesmoings aud apelés et moy Jehan BABOT notaire royal s..? dudit Lodève soubsné (,) ledit ALMERAS testateur et tesmoings requis ont dit ne scavoir escrire. BABOT notaire aussy signé a la (...)
BABOT not
Notes