AD30 2E 9/7, M° Guillaume GOUTES notaire d'Alzon

Testament 14 janvier 1613 à Alzon de

Noble Charles de LAVALETTE de Bez 6034 G 13

testement de Noble Charles de LAVALETTE de La paroisse de Bez

Au nom de Dieu saichent toutz pñt et advenir cõme (ainsy soict que) l'an mil six cens tretze et le quatorziesme jour de janvier apres midy regnant tres chrestien prince Loys par la grace de Dieu roy de Frñce et de Navarre   pardt moy noter royal soubzné et tesmoingz soubzescriptz   personnellement estably Noble Charles De LAVALETTE escuier du mas de La Valette paroisse de Bez dioceze de Nismes   lequel sain d'entendement et en parfaicte memoire   sachant et considerant que toute creature vivante fault que termine par mort et ne saichant quand ny comment   estant en bonne santé de sa personne   affin que entre ses enfans et autres ses parans apres son deces ne soict question debat ni differens pour raison et a faulte de dispozer de ses biens   a faict et ordonné son dernier testement nuncupatif contenant sa derniere volonté nuncupative dispositions et ordonnances finaulx de ses personne et biens en la forme et maniere que s'ensuict.

Et premierement a faict le signe de la Ste Croix disant au nom du Pere et du Filz et du St Esprit amen   et apres a humblement et devotement recommandé son ame et son corps a Dieu tout puissant   lui priant avoir pitié de lui et lui pardonner toutz les pechés quil a commis en ce monde   volant et ordonnant que quand le bon plaisir de Dieu fera que son ame sera sepparée de son corps   que sondict corps soit sepvely (sic) au cimetiere dud Bez tombeau de ses parans trespassés   et que aud jour de ses sepulture, novene, quarantene et bout d'an de son deces   soyent convocqués et appellés sur son tombeau six pbres (pretres )   a chacun desquelz a volleu estre paié chacun desd jours la sõme de cinq solz tz avec la reffection corporelle   avec lequel legat veult et ordonne led testateur que lesd pbres chantent messes et autres devotes oraisons pour la redemption de son ame   et autres par lesquelz il est tenu prier
Aux pauvres de Jesus Christ a legué la quantité de trois sestiers bled mescle a distribuer ausd pauvres en pain cuit   au devant la porte de sa maison le jour de la novene   Item a legué a sesd pauvres vrayement pauvres du lieu et paroisse de Bez   deux canes drap du pñt pays payables le jour de sa sepulture ou de la novene   et avec ce veult que lesd pauvres prient Dieu pour son ame et que lesd susd pauvres assistent a ses honneurs funebres

Et de ses autres biens que Dieu lui a donnés led testateur a legué par droict dinstituõn et hereditaire portion
a Estienne De LAVALETTE son fils legitime et naturel la sõme de deux cens francs   payable la moytié le jour du bout de lan de son deces   et lautre moytié par paies de vingt francs chacun an   la premiere paie commensant le jour du bout de lan de son deces en ung an   et continuant chacun an aud jour lesd paies jusques a lentier paiement de lad sõme   sans que lesd paies se puissent acumuler lune sur lautre sans au prealable fere apparoir dec(...)
Semblable legat de deux cens francs faict led testateur a Pierre De LAVALETTE son fils legitime et naturel religieux de l'abbaye St Guilhem le Désert par mesme droict dinstituõn et portion hereditaire   payable a mesme termes et conditions que au susd Estienne
Item a legué led testateur par mesme droict dinstituõn et portion hereditaire a Michelle De LAVALETTE sa filhe legitime et naturelle femme d'Estienne BERTRAND d'Esparrou   a Florette De LAVALETTE sa filhe femme de Mr Anthoine PERRET notaire d Arre   a Catherine De LAVALETTE femme de Anthoine MALIEN de La Falguière   a Florette De LAVALETTE femme de Guilhaume SERIEYES de Las Baumes   a Marguerite De LAVALETTE femme d Estienne TREILHES du lieu d'Avèze   a Beatrix De LAVALETTE vefve de feu Jehan BARRAL du mas de Las Fons   a Anne De LAVALETTE femme d'Anthoine DURAND du mas del Salze   a Marie De LAVALETTE affiancée de François VIALA dud Bez   ses filhes legitimes et naturelles   et a chacune delles la sõme de cinquante solz tz payable le jour du bout de lan de son deces   et ce outre les constituõns quil leur a faict le jõr et en faveur de leur mariaige
Item a legué led testateur a Catherine De LAVALETTE jeune sa filhe legitime et naturelle par mesme moyen que dessus   la sõme de deux cens quarante francs une flessade de Montpellier (...) deux linseulx   quatre robes deux de de sarge   lune dessus et lautre gonelle et les autres deux robes cadis de Nismes   de la valeur que plaira a sad filhe   payable le tout le jour de son mariaige   avec lequel legat a volleu et ordonné veult et ordonne led testateur que lesd Estienne, Pierre, Michelle, Florette, Catherine, autre Florette, Marguerite, Beatrix, Anne, Marie et autre Catherine De LAVALETTe ses enfans legitimes et naturelz et chacuns deulx   soient contans de tous et chacuns ses autres biens et que autre chose ne puissent demander en iceulx par aulcung droict noms ni tiltres

Item legue led testateur a Beatrix De GRAILHE sa femme bien aymée pour recompense des agreables services quil a receu delle cy devant et espere fera a ladvenir   cest quelle soict dame mestresse usufructueresse de toutz et chacuns ses biens   vivant viduellement   porchassant le bien et utillité de sa maison   et en cas elle ne pourra demeurer avec son heritier   luy a legué et legue de pantion annuelle põr son vivre et entretien   six sestiers froment bel et marchand criblé (tamisé)   deux sestiers cosegal (consegal) et deux sestiers mescle   payable chacun an a la cueillette (récolte) mesure dud Bez   deux cartes sel et deux cartes huile   un muy (muid) vin rouge pur et marchand   demy quintal lard payable chacun an a la saizon   plus une robe cadis chacun an faicte et garnie a son vouloir et pour ses habits (...) la sõme de cinq francs payable avec lad robe le jõr Notre Dame de Septembre   et põr son habitation et demeure une maison dicte l'Hostal vieilhe avec la chambre y joignant   dans laquelle maison led testateur fait pñtement sa demeure   et outre ce lui a legué ung lict garni de cloistre (coultre) et autres meubles de sa maison tels que lui conviendra pour son mesnatge   avec la faculté de prendre de boys dans ses boys pour son chaufaige et dhortalisse (légumes) de son jardin põr sa vie   et apres son deces que le tout soit a son heritier soubznommé   et en cas lad De GRAILHE viendroit a se remarier   lui a legué et legue tant seulement la sõm de cent cinquante francs payable le jõr de son second mariaige   avec lequel legat la faicte son heritiere particuliere sans plus

Item a legué led testateur a Bernard BRU autrement dict Lou Frere (?) dud Bez põr (...) et par charité et en recompense des services quil a receus de lui   la sõme de trente francs payable dix francs chacun an   la premiere paie comansant du jõr de son deces en ung an et continuant lesd paies jusques a lentier payement de lad sõme   et avec led legat veult que soit contant et que autre chose ne puisse demander en ses biens
A toutz autres ses parans et que en ses biens pourroient demander aulcung droict   led testateur a legué la sõme de trois francs a d..der (à diviser) entre toutz payable une fois apres son deces   et avec led legat a faict telles personnes ses heritiers particuliers sans plus

Et par ce que le chef et fondement dung (...) testement est linstituõn hereditere   led testateur a faict créé institué et de sa propre bouche nommé son heritier universel et general Anthoine De LAVALETTE son fils legitime et naturel   le chargeant pour toutz les susd legats et autres debtes que apres son deces se trouveront estre legitimement deubs
Echeant led Anthoine De LAVALETTE son heritier viendroit a mourir sans enfan ou enfans masle ou femel de son legitime mariaige procréés   lui a substitué led Estienne De LAVALETTE son fils et sy led Estienne vient a mourir a lad qualité sans enfan ou enfans de son legitime mariaige procréés   lui a substitué lad Catherine De LAVALETTE sa filhe plus jeune   par laquelle a voleu led testateur estre prinse apres son deces toutes actions actives et passives põr en fere et dispozer a toutes ses volontés

Cest son dernier testement nuncupatif contenant sa derniere volonté nuncupative disposiõn et ordonnance finaulx de ses personne et biens   lequel a (...) esmologué ratiffié et confirmé   volant que vailhe par testement et sy ne valoit par testement   veult que vailhe par maniere de codicille donnaõn a cause de mort   ou par autre meilheure forme que pourra valoir en disposiõn de derniere volonté   cassant barrant et annullant toutz autres testement ou testements et autres disposiõns de dernieres volontés par lui cy devant faictes   le pñt son dernier testement volant que demeure en ses vertu fermetté efficace et valable   sy a prié et requis les tesmoings icy convocqués et appellés   par lui bien cogneus et nommés lung apres lautre   de tout ce dessus estre accordés et memoratifs et en pourter tesmoignaige de verité sy requis en sont   et moy notere royal soubzné en retenir acte et notte et dicelle en expedier ung ou plusieurs instruments a l utilité de sond heritier ou autre a qui appartient

Faict et recité publiquement au lieu de Campestre dans la salle du chateau   pñs Nobles Guilhaume de GRAILHE Sr de l'Alamanderie   Jehan de GRAILHES Sr de La Canorgue freres   Nobles Fulcrand De Malhac Sr dud Campestre   Bernard NOGAREDE de La Covertoirade et Claude De GRAILHE Sr de Roquemoscoze   Fulcrand De MALHAC jeune dud Campestre   Noble Jehan DUCLAUX Sr del Cailaret d'Alzon soubznés   Pierre DURAND du mas de La Salze   Jehan FOBY cousturier dud Campestre ne sachant escripre ni led testateur   et moy Guilhaume GOUTES noter royal hereditaire dud Alzon requis et soubzné

L'Alamanderie, F. De Malhac, La Canorgue, J. Duclaux, B. Nogarede, Roquemoscoze, F. De malhac, Goutes not aussi signé a loriginal estant en liasse.

Résumé de l'acte par Monsieur CHASSIN du GUERNY:

"14 janvier 1613 = testament de noble Charles de LA VALETTE ecuier du mas de la Valette de Bez aux pauvres dudit Bes donne deux canes de drap et .aussi trois cestiers blé mescle en pain cuit devant porte de sa maison -=• à Etienne de la Valette son fils 200 livres » à Pierre de la Valette autre fils religieux de St-Guillem le désert meme droit, à Michelle de la Valette sa fille femme d'Etienne Bertrand, d'Esparon et à Florette de la Valette fenme de Mre Antoine Perret notaire d'Arre, à Catherine autre fille femme d'Antoine Malien de mas de la Falguière, à autre Florette femme de Guillaume Seryeys de las Banne, à Marguerite femme d'Etienne Treilhe, d'Avèze, à Beatrix veuve de Jean Barral du mas de las Fons et à Anne femme de Antoine Durand, du mas del Salze, à Marie de la Valette affiancée de François Viala de Bez toutes ses filles 50 sols = à Catherine autre fille 240 livres une flessade Montpellier, deux robes cadis, à Beatrix de Grailhe sa femme bien aymée pour raison de ses bons & agréables services veut que soit dame maitresse et usufruitière de ses biens "vivant viduellément porchassant le bien et utilité de sa maison" et si ne peut demeurer avec son héritier lui fixe pension, et de ses autres biens héritier son fils Antoine de la Valette, substitue les masles puis ses femelles acte au lieu de Campestre dans la salle du chateau, présent noble Guiliaume de Gralhe sg de lAlamanderie, Jean de GRALHE Sg de la Canorgue frères noble Fulcrand de Malhac Sr de Campestre, de Bernard Nogarède de la Couvertoirade, de Claude de Grailhe sg de Roquemoscoze, de Fulcrand de Malhac sg de Campestre jeune, de noble Jean du Ducaux sg du Calairet aussi de Pierre Durant du mas de Salze et Jean Foby couturier de Campestre M° Guillaume GOUTES notaire d'Alzon"