Actes notariés Actes sur Bas en Basset
AD 42 CHMS 1015, Maître TOURTON, notaire de Bas en Basset, 43
29 mars 1654: Testament de Jean PLEYNET (sosa 1986)
Marchand du lieu de la Roche, paroisse de Bas
dud jour et an apres midy (1)
Au nom de dieu a tous prñts et advenir
soit notoire que pardevant le nõre royal
soubsné et prñts les tesmoins bas nommés
au regne de tres chrestien et souverain
prince louis quatorziesme du nom par la
grace de dieu roy de france et de navarre
personnellement estably Me Jean PLEYNET
marchand du lieu de La Roche parroisse de
Bas qui de gré et gissant malade de maladie
corporelle dans un lict de sa maison dhabitaõn
scituée aud La Roche
sain touteffois de ses bons sens entendement
et bonne memoire considerant que la mort est
a un chacun certaine et que lheure dicelle
est incertaine et inconnue aux humains
et de peur qu'il ne soit surpris de mort
et que proces pour raison de ses biens qu'il
a pleu a dieu luy despartir en ce monde
proces ne soit apres son deceds mené et
intanté entre ses femme, enfants et autres
pretendans droict en ses biens (,) a cette
cause led Me PLEYNET testateur
a voulu faire comme faict de prñt son
testament nuncupatif disposition finale
et ordonnance de derniere volonté comme
sensuit
et en premier lieu comme bon chrestien et catholique a faict le signe de la ste croix disant in nomine patris et filli et spiritus sancti amen a recommandé son ame icelle separée de son corps entre les mains de dieu son createur, aux prieres et intercessions de la glorieuse vierge et mere de dieu et aux suffrages de tous les saincts et sainctes de la cour celeste eslisant sa sepulture au cimetiere de lesglize parroichiale dud Bas au tombeau de ses predecesseurs parents et amis trespassés et se remet pour le regard de ses honneurs funebres auxmosnes (...) et juste cause (?) a la devotion et discretion de son heritiere bas nommée
[renvoi: et fonde en lesglize parroichiale dud Bas une messe basse que veut estre recitée au cl... par messieurs les curé ou prestres habitués dicelle le jour et feste de St Jean Baptiste pour laquelle donne auxd sieurs curé et ptres la somme de dix livres ts payable par sad heritiere bas nommée appres son deced sur la pention dicelle annuellement, plus donne et legue a la confrerie (...) (2)la somme de dix huict livres ts pour estre employée aux reparations necessaires de lad confrerie (,) payable comme dessus apres son deced]
item donne et legue et par droict d'intitution
particuliere deslaisse a Claude, Matthieu, André et
Marcellin PLEYNET ses fils naturels et legitimes
et de Mathie VOUT a chacun deulx la somme
de quatre cens livres ts et quatre cestiers
seigle mesure de Bas, et a Matthie et Agathe
PLEYNET aussy ses filles naturelles et legitimes
et de lad VOUT a chacune delles la somme de
cinq cens livres ts et cinq cestiers seigle mesure susd (,)
une vache ou vingt livres ts pour icelle (,)
une robbe drapt de couleur selon leur condition
et tous autres habillements menus jusques a la m...?
comme aussy au posthme ou posthumes
dont lad VOUT sad femme peut estre enceinte(,)
estant fils mesme somme qu'a ses autres fils
et quantité de grain et estant fille mesme
somme et quantité de grain(,) vache ou lad
valeur(,) robbe et tous habillements menus
jusques a la m~lict (?) et ce pour tous droicts paternels
que ses susd enfants posthume ou posthumes
pourroient avoir et pretendre en ses biens (,)
veut que de ce se contentent et ne puissent
rien plus pretendre ny demander en ses biens (,)
et en ce les a institués ses heritiers particuliers (,)
payables les susd legats a sesd enfants (,)
posthume ou posthumes lorsquils seront
d'aage competant pour iceulx legats
savoir regir et gouverner ou colloqués en
mariage(,) a payements que seront pour lors
liquidés et arbitrés par parents et amis
et jusques aux temps veult et entend que sesd
enfants (,) posthume ou posthumes soient nourris
et entretenus de faculté d'hoirie (3) par
sad heritiere bas nommée en travaillant
touteffois par le ch(..) deux selon leur
pouvoir
item donne et legue et par mesme droict que dessus deslaisse a Jean GARIER son filleul et fils de Robert GARIER(4) de Basset la somme de six vingt livres ts pour ses estrennes de filleul payable lad somme par son heritier aprs son deceds
finallement donne et legue et par mesme droict que dessus deslaisse a tous autres pretendans droicts en ses biens a chacun deux la somme de cinq sols en justiffiant prealablement de leurs droicts et qualité (,) veut que de ce se contentent et ne puissent rien plus demander en ses biens et en ce les a institués ses heritiers particuliers (,) payable par sad heritiere bas nommée apres son deceds
et parce que le chef et
fondemt de tout bon et valable testament
est l'institution dheritier ou heritiere
a ceste cause au restant de tous et uns chacuns
ses autres biens immeubles droicts(,)
noms(,) raisons et actions prñts et advenir
quelconques en quoy que consistent led Me
PLEYNET testateur de gré et comme
dessus a faict, créé, esleu, institué
et de sa propre bouche nommé son heritiere
generale et universelle fideicommise
scavoir lad Matthie VOUT sad femme
par laquelle veut ses debtes legats et (...)
causes estre payés et acquittés et a laquelle
donne et legue et par droict d'inst(itution) part(iculiere)
delaisse la somme de cent livres ts oultre
et pardessus l' augment a elle par luy constitué
en leur contract de mariage [renvoi: avec tous et uns chacuns ses biens meubles papiers et documents pour en faire a ses plaisirs
et volontés apres son deceds(,) nentend ny voulant qu'il en soit faict aucun inventaire le prohibant expressement a tous (...) et affines (?) ](,) a la charge touteffois
de rendre et remettre son hoirie aud
Claude PLEYNET son fils ainé, quand bon
luy semblera et faisant lad nommée (...)
veut et entend que lad VOUT sad femme
detienne son habitation(,) nourriture et entretien
dans lad maison d'habitation ou bien ne pouvant
compatir avec led Claude PLEYNET sond
fils(,) veut et entend quelle se reserve sur
sesd biens la pention annuelle de doutze
mistans seigle mesure de Bas et son habitation
dans une des chambres de lad maison
d'habitation ou (où sera construicte une cheminée
par led Claude ou les siens
et lad
pention payée a deux payements esgaulx
de cha(..) année le premier commencant
incontinent apres lad separation et le second
sur la fin de lad année et ainsy continuant
aud cas durant la vie de lad VOULT vivant
et (...) appres son deceds lad pention aud cas
demeurant esteinte
et cest son testament nuncupatif(,) disposition finale et ordonnance de derniere volonté que veult valloir comme tout bon et valable testament peut et doibt valloir (,) cassant(,) revoquant(,) mettant au neant tous autres testaments codiciles donnations a cause de mort qu'il pourroit avoir cy devant faict(,) fors le prñt que veut que soict son plein et dernier testament (,) priant requerant les tesmoins bas nommés(,) par luy bien recognus et a ce appelés pour en rendre temoignage quand par justice seront .stués (?) et au nõre soubsné qui le luy a leu et releu en retenir acte et instrument publiq pour servir ce que de raison (,) octroyé soubs le scel royal du prñt pais de Forets
faict
et passé aud lieu de La Roche en la
maison dud testateur prñts a ce Venerable
Me Gaspard VIALETON ptre et curé dud Bas
Me Pierre DUPIN, Claude BARDON marechal
Benoist NEYRON , Guillaume BERGONHON tous dud Bas (,)
Me Jean BRUN (...) soubsnés PLEYNET approuvons les apostilles DUPIN VIALLETON curé J. BRUN NEYRON G. BERGONNION BARDON et moy nõre royal soubsné stipulant et recepvant TOURTON
Notes
