AD81 M° Pierre ARIBERT, Paulinet, Tarn
Testament de Jacques LAVERNHE (Sosa 2100 G 12)
Testement de Jacques LAVERNHE de Ferrières
Scaichent touts presans et advenir que lan mil six cens trente neuf et le onzieme jõ du moys de julhet apres midy au masaige de Ferrieres vicomté de Paulin dioceze d Alby sen(échauss)ée de Carca(sson)ne regnant tres chrestien prince Louys par la grace de Dieu roy de France et de Navarre pardt moy nõt royal soubsné et pñs les tesmoings bas nommés
Estably en sa personne Jacques LAVERNHE dud masaige lequel gisant malade dans son lyt de certayne maladye corporelle autre(ment) estant en ses bons sens et entendemt et parfaicte memoire conciderant ny avoir choze plus certayne que la mort ny plus incertayne que lheure dicelle de gred a vollu faire et ordonner son testement nuncupatif pourtant (1) la division et ordonnance de ses biens en la forme que sensuyt
Et premierement led LAVERNHE testateur a recommandé son ame et son corps a Dieu le pere le fils et le sainct esprit et apres son deces veut estre ensepvelly au cimeutiere de St Jean de Janes et que aux jours de sa sepulture novene et bout d'an (2) soyent convocqués et appelés deux pretres. Item donne et legue led testateur pour aumosne pie aux pauvres de Dieu la quantité dung cestier bled seigle que veut estre mis en pain et distribué au devant de sa maiõn dans lan de son deces
Item donne et legue led
testateur par droyt de instituõn et hereditaire
part et portion a Jeanne LAVERNHE sa filhe
femme de Anthoine MARTY oultre sa constituõn dotalle
pour tout droit quelle peut avoir prethandre
et demander de pñt ou a ladvenir sur ses
biens par quelque droyt que ce soyt et en quoy
que concistent la somme de cinq souls ts payable par
une foys et avec ce la faicte son heritiere particuliere
que ne puisse autre choze demander sur sesd biens
Item donne et legue pour semblable droyt que dessus
a Anne LAVERNHE sa filhe et femme de Pierre
CHABBAILH outre sa constituõn dotalle semblable
somme de cinq souls payable par une foys et avec
ce la faicte son heritiere particuliere que ne
puisse autre choze demander sur ses biens
Item donne et legue led testateur pour semblable droyt que dessus a Guilhaume et Marguerite LAVERNHE ses filhes legitimes et a ch(ac)une dicelles pour tout droyt quelles peuvent avoir prethandre et demander sur ses biens par quelque droyt que ce soyt savoir est la somme de cent livres ts deux robes drap du pñt pays et deux linseuls le tout payable et a ch(ac)une dicelles aux (termes?) suyvants savoir le jõ de leur mariage la somme de quarante livres ts une robe et lesd linseuls et apres chacun an la somme de six livres ts jusque a fin de paye et lautre robe troys ans apres led mariage
Item donne et legue
led testateur põ semblable droyt que cesd (sesd) filhes
a Barthelemy LAVERNHE (3) son fils legitime la
somme de huictante livres ts payable nayant
atteint laage de majoritté la somme de trante livres ts et apres cinq livres ts
chasquan jusque a fin de paye.
Item veut
que Catherine CARAGUIENNE (4) sa femme soyt
mestresse et gouvernatrice des personnes et biens
de sesd enfants en vivant viduellement (5) et sans
se remarier et en cas de discort avec son
heritier bas nommé luy donne de pantion annuelle
sa vye durant troys cestiers bled seigle ung
cartier chair sallée troys livres ts põ huille
et sel la maison põ faire sa demeure et une mesure
jardin põ faire son ortalisse (5) et de prandre du
phiem du phiemié (6) de son h(éritier ?) põ mettre aud
jardin (...) de prandre de (du) boys põ son
chaufaige item une robe manches et chausses
de troys en troys ans payable led bled a la
St Julhien d'aoust la chair a Noel
et les troys livres de jõ en jõ
Et de
tant que linstituõn hereditaire est chef et
fondement de tout bon et vallable testement led
LAVERNHE testateur en tous et chacungs ses autres biens
meubles immeubles pñs et advenir voix droits
noms et actions ou quil (...) ou que
non et en quoy que concistent a faict institué et
de sa propre bouche nommé son heritier universel
et gen(eral) scavoir est Fransoys LAVERNHE son
fils legitime et nathurel põ en faire et dispozer
a ses plaisirs et vollontés en la vye et en la
mort en payant tous charges et legats et de
nourrir ses autres enfans jusque que soyent en
aage de pouvoir gaigner leur vye
et ce dyt
estre son dernier et vallable testement lequel
veut que bailhe (vaille) par icelluy codicil ou donnaõn
en cas de mort et par toute autre forme que mieux
poura valloir tant de droyt que de coustume
cassant et anullant tous autres testements et autres
dernieres vollontés cy poinct par cy devant
(...) y avoyt le pñt demeurant en son efficace
fermeté et valleur priant les tesmoings bas
nommés en estre memoratifs et pourter tesmoignage
de veritté et moy dit nõt le luy (...)
par escript et en retenir acte et instrument
ce quoy faict et recité les an et jõ susd en presance de André COMBES Pierre COMBES freres (...) de la Quintaine Pierre MAYNOU dud Ferrieres Fransoys SUC et Jacques GUALIBEN de la Tabourdié paroisse de St Anthonin (de Lacalm) baronnie de Lombers quy
avec led testateur ont dyt ne scavoir escripre
et de moy
Pierre ARIBERT nõt royal
Notes